Дата правядзення
Час правядзення
Месца правядзення
12 сакавіка ў бібліятэцы пройдзе прэзентацыя анімацыйнага праекта “Аповесць мінулых гадоў”.
Арганізатары мерапрыемства – Нацыянальная бібліятэка Беларусі і нацыянальная кінастудыя “Беларусьфільм”.
Праект, які мае гісторыка-культурнае і адукацыйнае значэнне, прадстаўляе цыкл пазнавальных мультфільмаў для дзяцей аб узнікненні гербаў беларускіх гарадоў. У сюжэтах тлумачыцца значэнне адлюстраваных на іх сімвалаў, а таксама прыводзяцца кароткія звесткі пра гісторыю гарадоў. У займальнай форме мультфільмы знаёмяць з гісторыяй Беларусі ў цэлым і яе рэгіёнаў у прыватнасці.
Аўтар ідэі і кіраўнік праекта − Ігар Волчак. Каманда айчынных мультыплікатараў працавала над праектам не адзін год. Вынікам сталі мікрасюжэты пра гербы 36 гарадоў Беларусі. Таксама створаны асобны мультфільм пра герб і сцяг Рэспублікі Беларусь.
Адлюстраваныя на гербах сімвалы маюць вельмі старажытнае паходжанне. У кожнага з іх свая легенда, звязаная са старадаўнімі паданнямі, важнымі гістарычнымі падзеямі і фактамі, роляй горада ў гісторыі дзяржавы.
Пачатак мерапрыемства – а 15 гадзіне ў зале адукацыйных тэхналогій (пам. 346).
Тэлефон для даведак: (8 017) 266 37 37.
Е-mail: pr@nlb.by
