З 11 красавіка па 8 мая запрашаем наведаць перасоўную выстаўку “Амерыканская літаратура ў XXI стагоддзі”, матэрыялы для якой прадаставіла Пасольства ЗША ў Рэспубліцы Беларусь.
Аснову выстаўкі складае калекцыя кніг – лаўрэатаў Нобелеўскай прэміі, нацыянальных літаратурных прэмій і ўзнагарод ЗША, кніг для дзяцей і дарослых, выдадзеных у 2015–2016 гадах і прызнаных лепшымі Амерыканскай бібліятэчнай асацыяцыяй. Дадаткова прадстаўлены плакаты з партрэтамі нобелеўскіх лаўрэатаў ЗША ў галіне літаратуры, а таксама адукацыйныя настольныя гульні для дзяцей і дарослых на англійскай мове па амерыканскай літаратуры.
У рамках экспазіцыі наведвальнікі змогуць азнаёміцца з фільмамі – экранізацыямі амерыканскай літаратурнай класікі на англійскай мове з англійскімі субтытрамі з калекцыі пасольства і фонду Нацыянальнай бібліятэкі Беларусі.
Выстаўка будзе цікавая ўсім, хто захапляецца амерыканскай літаратурай і культурай, а таксама вывучае англійскую мову.
Экспазіцыя размешчана ў зале нотных і аўдыявізуальных дакументаў (пам. 305). Уваход – па чытацкім білеце або пропуску СКЦ. Час работы выстаўкі – з 10.00 да 21.00.
Тэлефон для даведак: (8 017) 293 27 52.
