Падрыхтоўка да Бібліяночы-2018 у самым разгары. Час пайшоў! Мы склалі праграму і ўладкоўваем пляцоўкі для нашых гасцей.
Прапануем зазірнуць на адну з іх – у залу міжбібліятэчнага і індывідуальнага абанемента (пам. 164). Тут размясцілася тэматычная кніжная выстаўка “«Закрытая гульня» ў адкрытым фармаце”, экспазіцыя якой расказвае пра інтэлектуальны свет шашак, шахмат і іншых не менш цікавых і займальных гульняў.
На выстаўцы вы даведаецеся, ад якіх персідскіх слоў пайшло слова “шахматы”, хто і калі вынайшаў складную шахматную дошку, дзе быў знойдзены самы стары са знойдзеных набораў шахмат, што паслужыла ўзорам для чарадзейных шахматных фігур у фільме “Гары Потэр і філасофскі камень” і яшчэ пра многае іншае.
Выстаўка будзе доўжыцца з 11 па 27 красавіка 2018 года.
З нецярпеннем чакаем гасцей!
Тэлефоны для даведак: (8 017) 293 27 10, 293 27 13.
