З 26 лютага па 2 сакавіка ў межах работы віртуальнай чытальнай залы адбудзецца серыя семінараў “Магчымасці выкарыстання платформы Web of Science для павышэння эфектыўнасці навукова-даследчай, адукацыйнай і інавацыйнай дзейнасці”.
Падчас семінараў удзельнікі пазнаёмяцца з падыходамі да фарміравання калекцый і індэксаў на платформе Web of Science; алгарытмамі пошуку і аналізу навуковай інфармацыі, асаблівасцямі ўжывання навукаметрычных паказчыкаў; магчымасцямі стварэння і інтэрпрэтацыі справаздач па публікацыях і цытуемасці арганізацыі, навуковага калектыву і аўтараў; інструментамі для афармлення навуковых рэзультатаў; метадамі ацэнкі і выбару часопісаў для размяшчэння навуковых артыкулаў; перспектывамі развіцця руху адкрытага доступу да навуковых публікацый і даследчых даных.
Графік правядзення семінараў:26 лютага 10.00 – Беларуская сельскагаспадарчая бібліятэка імя І.С. Лупіновіча НАН Беларусі;
27 лютага 10.00 – Нацыянальная бібліятэка Беларусі (праграма);
27 лютага 14.00 – Беларускі нацыянальны тэхнічны ўніверсітэт;
28 лютага 10.00 – Беларускі дзяржаўны эканамічны ўніверсітэт;
28 лютага 14.00 – Беларускі дзяржаўны педагагічны ўніверсітэт імя Максіма Танка;
28 лютага 16.00 – Беларускі дзяржаўны ўніверсітэт;
1 сакавіка 11.15 – Гомельскі дзяржаўны ўніверсітэт імя Францыска Скарыны;
1 сакавіка 15.00 – Рэспубліканскі навукова-практычны цэнтр радыяцыйнай медыцыны і экалогіі чалавека;
2 сакавіка 13.30 – Гомельскі дзяржаўны тэхнічны ўніверсітэт імя П.В. Сухога.
Кантактная асоба:
Рудакоўская Марына Віктараўна,
загадчыца аддзела карпаратыўнага ўзаемадзеяння
Нацыянальнай бібліятэкі Беларусі,
тэлефон: (8 017) 293 28 90,
e-mail: rudakovskaya@nlb.by