Праект “У госці да кніг”
Культурна-асветніцкі праект “У госці да кніг”:
- рэалізуецца пасродкам культурна-асветніцкіх заняткаў для дзяцей у музеі кнігі Нацыянальнай бібліятэкі Беларусі;
- накіраваны на развіццё цікавасці да кнігі і чытання, папулярызацыю нацыянальнай кніжнай спадчыны.
Задачамі праекта з’яўляюцца прыцягненне ўвагі дзяцей да бібліятэкі і музея, развіццё ў іх любові да кнігі, стымуляванне чытацкай актыўнасці, фарміраванне гонару за дасягненні і багатыя традыцыі айчыннай кніжнай культуры.
Унікальнасць заняткаў заключаецца ў магчымасці вывучэння нацыянальнай кніжнай спадчыны пасродкам найбагацейшага збору кніжных помнікаў. Наведвальнікі пазнаёмяцца з “доўгажыхарамі” кніжнай культуры, некаторым з якіх ужо 100, 200, 300, 400 і нават 500 гадоў.
Заняткі праходзяць з ужываннем актыўных і інтэрактыўных методык, а гэта значыць, што сустрэчы ператвараюцца ў займальную гутарку, у якой кожны прымае актыўны ўдзел. Дзяцей чакаюць вясёлыя творчыя заданні і гульні. Мэта заняткаў – не толькі адкрываць для хлопчыкаў і дзяўчынак навуковыя факты, а зацікавіць тэмай, каб у іх узнік імпульс самім чытаць і даведвацца пра новае.
Музейныя заняткі разлічаны на дзяцей 5–17 гадоў.
Кошт адных заняткаў – 4.50 (чатыры рублі пяцьдзясят капеек), працягласць – 60 хвілін.
СЕРЫІ ЗАНЯТКАЎ:
Вопыт правядзення заняткаў знайшоў адлюстраванне ў займальным навукова-папулярным выданні для дзяцей «У госці да кніг», якое прысвечана гісторыі кніжнай культуры і змяшчае творчыя заданні, што садзейнічаюць папулярызацыі нацыянальнай кніжнай спадчыны і павышэнню культурнага патэнцыялу падрастаючага пакалення. Выданне складаецца з трох раздзелаў: «Рукапісная кніга», «Друкаваная кніга», «Францыск Скарына».
Падрабязней пра дзейнасць, навіны, падзеі і дасягненні праекта “У госці да кніг”, а таксама фотасправаздачы заняткаў можна паглядзець у сацсетцы Flickr і тут:
