Правілы карыстання трэнажорнай залай

ГЛАВА 1
АГУЛЬНЫЯ ПАЛАЖЭННІ

1. Правілы наведвання трэнажорнай залы фізкультурна-аздараўленчага комплексу дзяржаўнай установы “Нацыянальная бібліятэка Беларусі” (далей – Правілы) распрацаваны ў адпаведнасці з пастановай Міністэрства спорту і турызму Рэспублікі Беларусь ад 31.08.2018 г. № 60 “Аб зацвярджэнні правіл бяспекі правядзення заняткаў фізічнай культурай і спортам” і вызначаюць парадак наведвання наведвальнікамі фізкультурна-аздараўленчага комплексу дзяржаўнай установы “Нацыянальная бібліятэка Беларусі” (далей – Наведвальнікі) з мэтай стварэння бяспечных і камфортных умоў для трэніровак.

2. Для наведвання трэнажорнай залы фізкультурна-аздараўленчага комплексу (далей – ФАК) Наведвальніку неабходна набыць абанемент або разавы білет. Пры ўваходзе неабходна прад’явіць абанемент або разавы білет і ўважліва азнаёміцца з дадзенымі Правіламі.

Аплата паслуг з’яўляецца згодай Наведвальніка з дадзенымі Правіламі.

Кошт паслуг трэнажорнай залы вызначаецца дзеючым Прэйскурантам платных паслуг, якія аказвае дзяржаўная установа “Нацыянальная бібліятэка Беларусі”.

3. Наведванне ФАКу Нацыянальнай бібліятэкі Беларусі (далей – Бібліятэка) і карыстанне яго паслугамі дапускаецца толькі ў час яго працы.

4. Пры няпоўным выкарыстанні аплачанага часу прадстаўленай паслугі зварот грашовых сродкаў не ажыццяўляецца, абанемент не падаўжаецца пасля заканчэння тэрміну яго дзеяння.

5. Абанемент падаўжаецца ў выпадку, калі Наведвальнік не змог скарыстацца паслугамі ФАКу праз хваробу па прад’яўленні пацвярджаючага дакумента (лістка часовай непрацаздольнасці або даведкі ад урача).

6. Заняткі, якія Наведвальнік прапусціў па прычынах, звязаных з працай ФАКу, кампенсуюцца ў выглядзе дадатковых дзён наведванняў, падаўжэння тэрміну дзеяння абанемента.

7. Адміністрацыя мае права адмовіць у наведванні трэнажорнай залы асобам, якія знаходзяцца ў стане алкагольнага і наркатычнага ап’янення.

8. Да самастойных заняткаў у зале дапускаюцца асобы, якія дасягнулі 14-гадовага ўзросту.

9. Дзеці да 14 гадоў могуць наведваць залу толькі ў суправаджэнні бацькоў, давераных асоб сям’і (не маладзейшых за 18 гадоў) або трэнера.

10. Да пачатку наведвання адміністратар мае права:

праводзіць ацэнку агульнага фізічнага развіцця і стану Наведвальніка;

высвятляць у Наведвальніка наяўнасць захворванняў, траўм і супрацьпаказанняў да пэўных відаў заняткаў і сілавых нагрузак, пасля чаго прымаць рашэнне аб мэтазгоднасці правядзення заняткаў, аб чым паведамляць Наведвальніку і, пры неабходнасці, кіраўніцтву Бібліятэкі.

11. Перад пачаткам заняткаў у трэнажорнай зале Наведвальнікам рэкамендуецца прайсці медыцынскі агляд. Пры куплі разавага білета або абанемента Наведвальнік ФАКу пацвярджае, што па стане здароўя ён можа атрымліваць паслугу ФАКу.

12. Наведвальнік нясе асабістую адказнасць за сваё здароўе.

ГЛАВА 2
АБАВЯЗКІ НАВЕДВАЛЬНІКАЎ

13. Пачынаць заняткі ў трэнажорнай зале ФАКу толькі пасля азнаямлення з дадзенымі Правіламі.

14. Наведваць трэнажорную залу ў спартыўнай форме, адзенні, якое не абмяжоўвае рух, у зменным чыстым спартыўным абутку.

15. Падпарадкоўвацца абгрунтаваным патрабаванням адміністратара.

16. У мэтах папярэджання траўматызму пачынаць заняткі з абавязковай агульнай размінкі.

17. Выключыць прыём ежы непасрэдна перад і падчас трэніроўкі.

18. Перад выкарыстаннем спецыяльнага абсталявання трэнажорнай залы ўдакладніць у метадыста-інструктара, якія меры бяспекі неабходна выконваць на тым ці іншым трэнажоры, на што звярнуць асаблівую ўвагу.

19. Строга выконваць меры бяспекі падчас заняткаў на трэнажорах / сілавых машынах.

20. Паведаміць метадысту-інструктару аб медыцынскіх супрацьпаказаннях да актыўных нагрузак або пэўнага віду рухальнай актыўнасці.

21. Пры пагаршэнні самаадчування падчас заняткаў неабходна спыніць трэніроўку і паведаміць пра гэта метадысту-інструктару (адміністратару).

22. Выкарыстоўваць спартыўнае і іншае абсталяванне трэнажорнай залы ў адпаведнасці з яго прызначэннем.

Карыстацца толькі спраўнымі трэнажорамі і абсталяваннем; з разуменнем ставіцца да нязручнасцей пры рамонце трэнажораў.

23. У выпадку выяўлення няспраўнасці спартыўнага абсталявання ў зале неадкладна паведаміць пра гэта метадысту-інструктару (адміністратару).

24. Пры ўзнікненні пытанняў па рабоце і настройцы трэнажораў звярнуцца да метадыста-інструктара.

25. У мэтах бяспекі практыкаванні з абцяжарваннямі ў трэнажорнай зале выконваць з партнёрам.

26. Пры працы з абцяжарваннямі (штанга) абавязкова карыстацца заціскамі і замкамі, правяраць іх спраўнасць.

27. Не займаць трэнажор падчас паўз паміж падыходамі.

28. Пры выкананні практыкаванняў са штангай, выкананне базавых практыкаванняў (жым лежачы, прысяданні са штангай) неабходна рабіць пры страхоўцы з боку партнёра.

29. Не дапускаецца перагрузка трэнажорных прылад звыш нормы дадатковым навешваннем грузаў.

30. Забараняецца ставіць бутэлькі з вадой на спартыўныя снарады, падключаныя да электрасеткі.

31. Падчас трэніровак неабходна абавязкова выкарыстоўваць ручнікі.

32. Забараняецца браць бліны, гантэлі, грыфы штангі вільготнымі або потнымі рукамі. Гэта можа прывесці да выслізгвання з рук і іх падзення.

33. Рэкамендуецца зняць з сябе прадметы, якія прадстаўляюць небяспеку пры занятках у трэнажорнай зале (гадзінік, вісячыя завушніцы і да т.п.), дастаць з кішэняў колючыя і іншыя староннія прадметы.

34. Быць ветлівым, не адмаўляць іншым у просьбе займацца побач на трэнажоры або снарадзе другім нумарам.

35. Перамяшчацца па зале неабходна не спяшаючыся, не заходзячы ў рабочую зону іншых. Забараняецца бегаць, скакаць або адцягваць увагу Наведвальнікаў іншымі спосабамі.

36. Быць пастаянна ўважлівым, не дапускаць рухаў і дзеянняў, якія могуць быць траўманебяспечнымі для прысутных.

37. Пры праслухоўванні музыкі падчас трэніроўкі на бегавой дарожцы карыстацца асабістымі навушнікамі.

38. Беражліва ставіцца да спартыўнага інвентару і абсталявання.

39. Падтрымліваць чысціню і парадак у зале.

40. Пасля сваіх заняткаў набраць першапачатковую вагу снарада.

41. Пасля трэніроўкі прывесці ў парадак месца заняткаў, сабраць і пакласці на адведзенае месца спартыўны інвентар.

42. Выконваць правілы асабістай гігіены.

43. Наведвальнік абавязаны выконваць і падтрымліваць грамадскі парадак і агульнапрынятыя нормы паводзін, паводзіць сябе паважліва адносна іншых Наведвальнікаў, абслуговага персаналу.

44. У выпадку ўзнікнення надзвычайных сітуацый пакінуць памяшканні ФАКу па схемах шляхоў эвакуацыі, захоўваючы спакой, не ствараючы панікі.

ГЛАВА 3
НАВЕДВАЛЬНІКАМ ЗАБАРАНЯЕЦЦА

45. Займацца ў трэнажорнай зале пры наяўнасці супрацьпаказанняў пры траўмах і агульным недамаганні.

46. Наведваць трэнажорную залу ў нецвярозым стане.

47. Выкарыстоўваць грубую (нецэнзурную) або абразлівую лексіку адносна работнікаў ФАКу або іншых Наведвальнікаў.

48. Уваходзіць у ФАК з жывёламі.

49. Уваходзіць у тэхнічныя і службовыя памяшканні з шыльдай “Уваход забаронены” або “Службовае памяшканне”. Наведвальнікі, якія трапілі ў такія памяшканні, нясуць адказнасць, прадугледжаную заканадаўствам.

50. Ажыццяўляць відэа- і фотаздымкі ў ФАКу без дазволу адміністрацыі Бібліятэкі.

51. Пачынаць заняткі без спартыўнага адзення і зменнага спартыўнага абутку, займацца з голым торсам.

52. Выносіць матэрыяльныя каштоўнасці комплексу (інвентар, дэталі абсталявання і іншае) за межы трэнажорнай залы.

53. Пры наведванні трэнажорнай залы Наведвальнікам забараняецца праносіць і ўжываць ежу, спіртныя напоі, жвачку.

54. Курыць (у тым ліку цыгарэты, кальяны, “вейпы”).

55. Заходзіць у вулічным абутку, выкарыстоўваць абутак на высокіх абцасах, з шыпамі, трэніравацца басанож або ў адкрытым абутку.

ГЛАВА 4
АДМІНІСТРАЦЫЯ НЕ НЯСЕ АДКАЗНАСЦЬ

56. За шкоду, звязаную з пагаршэннем здароўя Наведвальніка, калі стан здароўя пагоршыўся ў выніку вострага захворвання, абвастрэння траўмы або хранічнага захворвання, а таксама калі прычынай нанясення шкоды здароўю стала парушэнне правіл карыстання трэнажорамі, або парушэнне тэхнікі працы са спартыўным інвентаром, вагамі.

57. За шкоду здароўю, нанесеную супрацьпраўнымі дзеяннямі трэціх асоб або ў выпадках грубага парушэння Наведвальнікам дзеючых правіл бяспекі.

58. За дзяцей, якія знаходзяцца на тэрыторыі ФАКу без нагляду дарослых.

59. За згубленыя або пакінутыя без нагляду рэчы.

60. За тэхнічныя нязручнасці, звязаныя з правядзеннем сезонных прафілактычных і рамонтна-будаўнічых работ, якія праводзяцца ў ФАКу згодна з санітарнымі нормамі і правіламі.

ГЛАВА 5
АДКАЗНАСЦЬ

61. Узаемаадносіны супрацоўнікаў ФАКу Бібліятэкі з Наведвальнікамі грунтуюцца на ўзаемнай ветлівасці і папераджальнасці і рэгулююцца дадзенымі Правіламі. Усе спрэчныя пытанні, якія ўзнікаюць паміж адміністрацыяй Бібліятэкі і Наведвальнікамі, вырашаюцца шляхам перамоў або ў парадку, устаноўленым дзеючым заканадаўствам.

62. Адміністрацыя не нясе адказнасці за нанесеную шкоду, выкліканую абставінамі непераадольнай сілы.

63. Наведвальнікі трэнажорнай залы нясуць матэрыяльную адказнасць у адпаведнасці з дзеючым заканадаўствам за знішчэнне, згубу, пашкоджанне матэрыяльных каштоўнасцей, маёмасці Бібліятэкі.

64. У выпадку згубы або пашкоджання маёмасці Наведвальнік абавязваецца кампенсаваць ФАКу нанесеную шкоду ў памеры кошту гэтай маёмасці або ў памеры кошту выдаткаў на яе аднаўленне, а таксама страты, нанесеныя пашкоджаннем маёмасці.