10 студзеня дзіцячы пакой запрашае дзяцей 5–10 гадоў на творчыя заняткі “Навагодняя маска”.
Карнавальная навагодняя маска – адзін з важных атрыбутаў Новага года, які дапамагае стварыць атмасферу тайны і загадкі, якую дзеці так чакаюць ад свята.
На занятках дзеці зробяць маску сваімі рукамі, яна будзе непаўторнай, адзінай у сваім родзе. Каб маска атрымалася святочнай і яркай, дзеці расфарбуюць яе, намалююць узоры, дададуць канфеці і фольгу.
Маска можа быць не толькі цудоўным дапаўненнем да навагодняга касцюма, але і самастойным аксесуарам, які дазваляе стварыць незвычайны святочны вобраз.
На занятках будуць гучаць дзіцячыя навагоднія мелодыі і песні. Хлопчыкі і дзяўчынкі з цікавасцю і карысцю правядуць час.
Час правядзення мерапрыемства: 18.00–19.30.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
