Месца правядзення
Кошт наведвання
Рэгістрацыя
Нацыянальная бібліятэка Беларусі запрашае ў студзені дзяцей і іх бацькоў на музейныя заняткі “Папяровыя цуды” з серыі “Клуб кніжных прафесараў”.
Цяжка ўявіць, што людзі калісьці жылі без паперы. Сёння толькі азірніся – усюды бачыш мноства папяровых рэчаў. А што стала сапраўдным цудам? – Вядома, кнігі. Яны з'яўляюцца неад'емнай часткай нашага жыцця. Якія яны? Цікавыя, з малюнкамі, рознага памеру ... А яшчэ яны – папяровыя.
Падчас гульняў і выканання творчых заданняў дзеці даведаюцца:
- якія матэрыялы выкарыстоўвалі для стварэння кнігі, калі паперы яшчэ не было,
- што такое палімпсесты і чаму яны з'явіліся,
- калі і дзе была вынайдзена папера,
- у якой краіне Еўропы з'явіліся першыя майстэрні па вырабе паперы,
- якой была старажытная тэхналогія вырабу паперы,
- што такое філіграні, як іх убачыць і што яны абазначаюць.
Расклад заняткаў:
Група 5–7 гадоў: 23 студзеня (аўторак) у 18.00 ці 27 студзеня (субота) у 11.00.
Група 8–12 гадоў: 26 студзеня (пятніца) у 18.00 ці 28 студзеня (нядзеля) у 12.00.
Рознаўзроставая група 5–12 гадоў: 28 студзеня (нядзеля) у 13.30.
Кошт музейных заняткаў на аднаго чалавека складае 4 руб. 50 кап.
Атрымаць падрабязную інфармацыю і запісацца можна па тэлефонах:
(8 017) 293 27 82, +375 25 994 21 12.