Час правядзення
Месца правядзення
24 сакавіка 2017 года ў бібліятэцы адкрылася выстаўка музея навукі “Элемента” і кніжная экспазіцыя “Гісторыя і традыцыі беларускай навукі”, прысвечаныя Году навукі.
Навука – складаная штука. Але толькі не з “Элемента”! На ўласныя вочы і рукі ў гэтым змаглі пераканацца дарослыя і дзеці падчас адкрыцця выстаўкі. Паўсотні экспанатаў і механізмаў наглядна і даступна прадэманстравалі, як працуюць законы фізікі і хіміі. Гасцей мерапрыемства чакала захапляльная экскурсія куратара выстаўкі Алега Эм, які дакладна ведае, як прывіць дзіцяці цікавасць і любоў да навукі.
Падмацаваць нованабытыя веды маленькія навукоўцы змаглі падчас знаёмства з выстаўкай-праглядам дзіцячай навукова-папулярнай літаратуры. А для дарослых наведвальнікаў на кніжнай выстаўцы “Гісторыя і традыцыі беларускай навукі” бібліятэка прадставіла каля 300 дакументаў, якія адлюстроўваюць не толькі гісторыю развіцця, але і сучасны стан беларускай навукі.
Ва ўрачыстай частцы мерапрыемства прынялі ўдзел першы намеснік дырэктара Нацыянальнай бібліятэкі Беларусі Алена Далгаполава, загадчыца сектара арганізацыі кніжных выставак галерэйна-выставачнага аддзела Ірына Васільковіч, дырэктар музея навукі “Элемента” Алег Эм.
Выстаўка працуе:
панядзелак – пятніца: 10.00–19.00,
субота – нядзеля: 10.00–18.00,
апошні панядзелак месяца – санітарны дзень,
з 1 чэрвеня да 31 жніўня нядзеля – выхадны дзень.
Уваход:
дарослыя і дзеці – 8,00 руб.,
людзі з абмежаванымі магчымасцямі і дзеці са шматдзетных сем’яў – 6,00 руб.,
дзеці ва ўзросце да 3-х гадоў і выхаванцы дзіцячых дамоў – бясплатна.
Графік работы выстаўкі ў перадсвяточныя, святочныя і санітарныя дні
ўдакладняйце на сайце бібліятэкі www.nlb.by ці па тэлефонах:
(8 029) 293 27 56, (8 029) 293 28 23, (8 017) 266 37 37.
Е-mail: pr@nlb.by