ГалоўнаяМерапрыемствы“Родная мова – здабытак народа”: выстаўка тры ў адным
У Дзень святога Валянціна запрашаем выканаць любімыя песні пра галоўнае – пра каханне!
Збіральнік таямніц мінуўшчыны

“Родная мова – здабытак народа”: выстаўка тры ў адным

“Родная мова – здабытак народа”: выстаўка тры ў адным
Іншыя мерапрыемствы

14 лютага ў галерэі “Ракурс” (2-гі паверх) адкрыецца выстаўка “Маляўнічыя арнаменты родных моў”.

У велізарным свеце – каля сямі тысяч разнастайных моў! Аднак колькасць “жывых моў” скарачаецца з сярэдняй хуткасцю адна ў два тыдні. Паводле ацэнак ЮНЕСКА, палова з іх у бліжэйшы час можа страціць апошніх носьбітаў. Каб абараніць знікаючыя мовы і захаваць разнастайнасць культур, кожны год 21 лютага адзначаецца Міжнародны дзень роднай мовы.

У межах святкавання гэтай важнай даты Нацыянальная бібліятэка Беларусі сумесна з грамадскім аб'яднаннем украінцаў “Ватра”, Мінскім грамадскім аб'яднаннем украінцаў “Заповіт” і Таварыствам дружбы народаў “Беларусь – Україна” падрыхтавала выставачны праект. Яго ідэя − паказаць багацце, прыгажосць і непаўторнасць беларускай і ўкраінскай моў, іх непарыўную сувязь з народнай творчасцю, падкрэсліць лейтматыў мовы ў вышыўцы, жывапісе і друкаваным слове. 

Вышыўка будзе прадстаўлена ручнікамі ўкраінскіх майстрых, удзельніц шматлікіх выставак Алены Дудко, Мар’яны Жукоўскай, Іны Мох, Надзеі Німко і інш. На мове арнаментаў экспазіцыя раскажа аб унікальнай культуры ўкраінскага народа. Праект падтрыманы выхадам у свет друкаванага альбома “Украінская вышыўка – духоўная і культурная спадчына ўкраінцаў у Беларусі”.

Другая частка выстаўкі – жывапісныя работы мастачкі Алены Васільевай, якія на мове колеру і святла распавядуць пра маляўнічасць роднай прыроды і краявідаў.

Трэцяй часткай экспазіцыі стане кніжная выстаўка-прагляд “Родная мова – крыніца натхнення”, якая прадставіць увазе гасцей каля 40 выданняў, прысвечаных хараству роднай мовы.

Запрашаем этнографаў, лінгвістаў, мовазнаўцаў, мастакоў, прыхільнікаў народнага мастацтва, аматараў пейзажаў і жывапіснай лірыкі далучыцца да Міжнароднага дня роднай мовы і наведаць галерэю “Ракурс” да 21 лютага 2018 года.

Дата заканчэння работы выстаўкі можа быць зменена.

Адкрыццё выстаўкі – 14 лютага а 16-й гадзіне.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефон для даведак: (8 017) 266 37 37.
Е-mail: pr@nlb.by


Чытайце таксама пра адкрыццё выстаўкі "Маляўнічыя арнаменты родных моў".


Мерапрыемствы

Без тэрміну даўнасці

03.05.2021

З 3 па 28 мая запрашаем на выставу “Без тэрміну даўнасці” ў чытальнай зале аддзела міжбібліятэчнага абанемента і дастаўкі дакументаў (пам. 164).

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

09.04.2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.

Вялікая Айчынная вайна ў творах мастацкай літаратуры

30.04.2021

5 мая а 16-й гадзіне ў атрыуме 2-га паверха адбудзецца літаратурна-асветніцкае мерапрыемства “Радкі памяці” і адкрыццё кніжнай выстаўкі “Вялікая Айчынная вайна ў творах мастацкай літаратуры”, якія прымеркаваны да знакавага свята – Дня Перамогі.

На скрыжалях паэзіі і прозы

30.04.2021

Да 90-годдзя з дня нараджэння беларускага пісьменніка, паэта, літаратуразнаўца Алега Лойкі ў зале беларускай літаратуры (пам. 205) з 30 красавіка па 14 ліпеня праходзіць выстаўка “На скрыжалях паэзіі і прозы”.

Семінар па генеалогіі

23.04.2021

27 красавіка ў бібліятэцы адбудзецца семінар па генеалогіі  “Імёны, прозвішчы, мянушкі: што гавораць генеалагічныя крыніцы?”.



Бібліятэкарам
111