ГалоўнаяМерапрыемствыБеларускі буквар: 400 гадоў гісторыі
“Шлюб. Сям’я. Дзеці: правы і абавязкі”: да Міжнароднага дня сям’і
З вялікай любоўю да малой радзімы: выстаўка жывапісу Наталлі Камінскай

Беларускі буквар: 400 гадоў гісторыі

Беларускі буквар: 400 гадоў гісторыі
Іншыя мерапрыемствы
29.03.2018
Дата правядзення
10.00–21.00
Час правядзення
музей кнігі (пам. 347)
Месца правядзення

29 сакавіка ў музеі кнігі ладзіцца адкрыццё выстаўкі “Беларускі буквар: 400 гадоў гісторыі” да юбілею першага ў свеце выдання пад назвай “Буквар” (Еўе, 1618).

На выстаўцы дэманструюцца знакамітыя буквары і азбукі XVI–ХХІ стст., розныя па складзе, графіцы, мастацкім аздабленні, педагагічных прыёмах навучання чытанню і пісьму.

Сярод экспанатаў – адны з самых старажытных айчынных кніг для навучання, у ліку якіх як знакамітыя буквары з праваслаўных манастыроў, так і малавядомыя выданні для ўніятаў і старавераў. Асаблівую цікавасць прадстаўляюць беларускія падручнікі для навучання чытанню пачатку ХХ ст.: беларускія лемантары і чытанкі Каруся Каганца, Цёткі (Алаізы Пашкевіч), Якуба Коласа, Вацлава Ластоўскага, Янкі Станкевіча, Леанілы Гарэцкай і інш. Шмат нечаканага можа знайсці кожны наведвальнік у беларускіх савецкіх букварах перыяду ліквідацыі непісьменнасці, у заходнебеларускіх букварах, выданнях беларускай дыяспары за мяжой.

Адным з найлепшых беларускіх буквароў ХХ – пачатку ХХІ ст. лічыцца знакаміты “Буквар” Анатоля Клышкі, які ўпершыню выдадзены ў 1969 г. і перавыдаваўся 23 разы на беларускай, рускай і польскай мовах. Ён атрымаў залаты медаль Міжнароднай лейпцыгскай кніжнай выстаўкі ў 1977 г., а ў 2004 г. прызнаны лепшым падручнікам года на выстаўцы ў Франкфурце-на-Майне. У экспазіцыі можна будзе ўбачыць і самыя новыя буквары, падрыхтаваныя Вольгай Цірынавай.

Але, відавочна, найбольш цікавай задачай для гасцей музея кнігі стане спроба знайсці той самы “Буквар”, з якога яны пачыналі сваю школьную навуку. Выстаўка дапоўнена старымі дзённікамі і сшыткамі, невядомымі сучасным школьнікам прыладамі для пісьма і іншымі артэфактамі школьнага жыцця.

Мерапрыемства пачнецца а 16-й гадзіне ў музеі кнігі (пам. 347).

Запрашаем наведаць экспазіцыю!

Тэлефон для даведак: (8 017) 293 27 22.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

У песні я знайшоў сябе

08.07.2020

З 8 ліпеня па 3 лістапада ў зале нотных і аўдыявізуальных дакументаў (пам. 305) праходзіць юбілейная выстава “У песні я знайшоў сябе”, прысвечаная 80-годдзю кампазітара Давіда Фёдаравіча Тухманава.

Пясняр хараства і волі

06.07.2020

З 6 ліпеня па 1 верасня ў зале беларускай літаратуры (пам. 205) праходзіць выстаўка “Пясняр хараства і волі”, прысвечаная 120-годдзю з дня нараджэння беларускага паэта, празаіка, перакладчыка Уладзіміра Мікалаевіча Дубоўкі (1900 ці 1901–1976).

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.



111