З 14 снежня па 23 студзеня на кальцавым калідоры 2-га паверха праходзіць святочная тэматычная выстаўка “Навагодні серпанцін”.
Новы год і Каляды – святы асаблівыя, прасякнутыя чараўніцтвам і верай у казку, напоўненыя дзівосамі, радасцю, зімовымі забавамі, падарункамі, утульнымі сямейнымі і сяброўскімі вечарамі. Напярэдадні Новага года падводзяць вынікі мінулага, развітваюцца з адыходзячым годам і ўсімі яго радасцямі і непрыемнасцямі. У розных краінах навагодняя і калядная ночы лічацца чарадзейнымі і магічнымі.
Яркая і маляўнічая кніжная экспазіцыя расказвае пра гісторыю свят, навагоднія і калядныя традыцыі, народныя прыметы і павер’і.
Цэнтральнае месца займаюць сучасныя выданні, якія распавядаюць пра святкаванне Новага года і Нараджэння Хрыстова ў Беларусі, Расіі, Францыі, Германіі, Канадзе і іншых краінах.
Прадстаўлена мастацкая літаратура навагодняй тэматыкі для дзяцей.
Пабываўшы на выстаўцы, можна даведацца, як упрыгожыць сваю кватэру, арыгінальна аформіць падарункі родным і блізкім, самастойна змайстраваць маскі, сувеніры і ёлачныя ўпрыгожанні. Парады прафесійных дэкаратараў і сцэнарыстаў дапамогуць стыльна сервіраваць стол і арганізаваць незабыўны, поўнае весялосці, неспадзяванак і конкурсаў свята.
Кантактны тэлефон: (8 017) 293 28 86.
|
|
|
|
|
|
|
|
|
|
|
|
|
|
|
