ГалоўнаяМерапрыемствыЗапрашаем на адкрыццё міжнароднай выстаўкі, прысвечанай букварам народаў свету
Спорт, прыгажосць і здароўе
Філасофія, эстэтыка і спорт: гольф па-беларуску на фота Сцяпана Надольскага

Запрашаем на адкрыццё міжнароднай выстаўкі, прысвечанай букварам народаў свету

Запрашаем на адкрыццё міжнароднай выстаўкі, прысвечанай букварам народаў свету
Іншыя мерапрыемствы
26.04.2018
Дата правядзення
16.30
Час правядзення
музей кнігі
Месца правядзення

26 красавіка ў Нацыянальнай бібліятэцы Беларусі адбудзецца адкрыццё міжнароднай выстаўкі “Буквары народаў свету”.

Экспазіцыя прадстаўляе разнастайнасць і непаўторнасць варыяцый ў розных народаў свету самай першай кнігі для навучання грамаце. Выставачны праект прымеркаваны да знамянальнай даты – 400-годдзя выдання першай у свеце кнігі пад назвай “Буквар”, якая была падрыхтавана нашымі продкамі.

Выстаўка арганізавана пры ўдзеле Пасольства Латвійскай Рэспублікі ў Рэспубліцы Беларусь, Пасольства Рэспублікі Беларусь ў Латвійскай Рэспубліцы, праекта мабільнасці Еўрапейскага саюза MOST.

Упершыню ў Беларусі будзе прадстаўлена каля 1 400 буквароў на 587 мовах самых розных народаў пяці частак свету – Еўропы, Азіі, Амерыкі, Афрыкі, Аўстраліі і Акіяніі. Кожны экспанат з’яўляецца мініяцюрнай энцыклапедыяй, у якой у нагляднай і займальнай форме падаюцца гісторыя, геаграфія, культура пэўнага народа.

Аснову экспазіцыі складае ўнікальная прыватная калекцыя латвійскага педагога, аўтара буквароў і кніг пра народы свету і іх мовы, калекцыянера Юрыса Цыбульса, якая налічвае больш за 10 000 выданняў больш чым на 1 000 мовах. Асаблівае месца на выстаўцы займаюць беларускія кнігі для навучання грамаце XVI–ХХІ стст. з фондаў Нацыянальнай бібліятэкі Беларусі. Розныя па складзе, графіцы, мастацкім афармленні, педагагічных прыёмах навучання, яны дэманструюць 400-гадовую гісторыю беларускага буквара.

Толькі на адкрыцці выстаўкі можна будзе ўбачыць і пачуць знакамітага ўладальніка найбуйнейшай калекцыі буквароў у свеце Юрыса Цыбульса, а таксама быць сведкам адкрыцця незвычайнага памятнага знака, прысвечанага першаму “Буквару”.

Урачыстае адкрыццё адбудзецца ў 16.30 у атрыуме (2-гі паверх). 

Чытайце таксама аб адкрыцці выстаўкі.

Тэлефоны для даведак: (8 017) 293 27 22, 293 27 82.


Мерапрыемствы

Вялікі талент, вялікая работа, вялікае сэрца

18.01.2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.



Бібліятэкарам
111