ГалоўнаяМерапрыемствыДыялог з жыццём і часам
Роля сям'і ў сучасным свеце
Музейныя заняткі “Буквары народаў свету”

Дыялог з жыццём і часам

Дыялог з жыццём і часам
Іншыя мерапрыемствы
8 мая 2018–6 чэрвеня 2018
Дата правядзення
10.00–20.00
Час правядзення
зала беларускай літаратуры (пам. 205)
Месца правядзення

З 8 мая па 6 чэрвеня ў зале беларускай літаратуры (пам. 205) праходзіць юбілейная кніжная выстаўка “Дыялог з жыццём і часам”, прысвечаная 70-годдзю беларускай пісьменніцы, лаўрэата Нобелеўскай прэміі па літаратуры 2015 года “за шматгалосае гучанне прозы і ўвекавечанне памяці пра пакуты і мужнасць” Святланы Алексіевіч.

Кнігі Святланы Аляксандраўны Алексіевіч ведаюць не толькі ў Беларусі. Яны выдадзены ў ЗША, Германіі, Англіі, Японіі, Швецыі, Кітаі, Індыі і іншых краінах. Як адзначыў крытык Леў Аненскі: “Яе кнігі – жывая гісторыя, расказаная самім народам, і запісаная, пачутая, выбраная таленавітым і праўдзівым летапісцам”. Пісьменніца з’яўляецца лаўрэатам шматлікіх літаратурных прэмій, у тым ліку міжнародных, сярод якіх – прэмія імя Курта Тухольскага (1996, Швецыя), прэмія міру імя Э.М. Рэмарка (2001, Германія), прэмія “Лепшая кніга года” (2013, Францыя) і іншыя.

Будучы журналістам, С. Алексіевіч спрабавала сябе ў жанрах рэпартажу, артыкула, апавядання. Але вырашальны ўплыў на пісьменніцкі выбар дакументальна-мастацкага жанру аказаў Алесь Адамовіч, адзін з аўтараў выданняў “Я – з вогненнай вёскі” і “Блакаднай кнігі”. Менавіта ў гэтым жанры пачала працаваць Святлана Алексіевіч.

Найбольшую вядомасць пісьменніца атрымала пасля выхаду яе дакументальнай кнігі “У войны не женское лицо”, дзе расказваецца пра подзвіг жанчын-франтавічак, партызанак і падпольшчыц у гады Вялікай Айчыннай вайны. Паводле кнігі Святлана Алексіевіч напісала п’есу (пастаўлена ў 1985 г. у многіх тэатрах краіны і за мяжой) і сцэнарыі аднайменнага цыкла дакументальных фільмаў, якія былі зняты рэжысёрам В. Дашуком (адзначаны Дзяржаўнай прэміяй СССР у 1985 г. і “Сярэбраным голубам” на міжнародным кінафестывалі ў Лейпцыгу). Працягам ваеннай тэматыкі стала кніга дзіцячых успамінаў “Апошнія сведкі”, напісаная на беларускай мове.

Зацікавіць наведвальнікаў мастацка-дакументальны цыкл С. Алексіевіч “Голоса Утопии”, які склалі кнігі “У войны не женское лицо”, “Последние свидетели”, “Цинковые мальчики”, “Чернобыльская молитва” і “Время секонд хенд”. У апошняй закранаюцца тэмы Вялікай Айчыннай вайны, Афганістана, Чарнобыля, “перабудовы” і распаду Савецкага Саюза.

Акрамя прадстаўленых на выстаўцы кніг Святланы Алексіевіч на рускай мове, экспазіцыя знаёміць з перакладамі твораў пісьменніцы на беларускую мову, такімі як “У вайны не жаночае аблічча”, “Цынкавыя хлопчыкі”, “Чарнобыльская малітва”, “Зачараваныя смерцю”, “Час second-hand (Канец чырвонага чалавека)”. Таксама экпануюцца шматлікія пераклады яе твораў на французскую, іспанскую, англійскую, шведскую, нямецкую, кітайскую, украінскую і іншыя мовы.

Дапаўняюць экспазіцыю матэрыялы пра жыццё і творчасць юбіляра.

Час работы выстаўкі адпавядае рэжыму работы бібліятэкі.

Уваход на выстаўку – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 293 27 16.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Конкурс да 85-годдзя Рыгора Барадуліна

05.05.2020

Нацыянальная бібліятэка Беларусі падрыхтавала конкурс да 85-годдзя з дня нараджэння народнага паэта Беларусі Рыгора Барадуліна і запрашае юных чытачоў да ўдзелу.

Напісанае застаецца

04.05.2020

З 4 мая па 1 чэрвеня  ў зале беларускай літаратуры (пам. 205) праходзіць кніжная выстаўка “Напісанае застаецца”, прысвечаная 90-годдзю з дня нараджэння беларускага пісьменніка, драматурга, публіцыста Алеся Петрашкевіча (1930–2012).

ЭкаChallenge

29.04.2020

Сёлета сусветная супольнасць адзначае 50-годдзе міжнароднай акцыі “Дзень Зямлі” – найбуйнейшай грамадзянскай падзеі ў свеце, з якой звязана зараджэнне сучаснага экалагічнага руху. Да гэтага дня прымеркаваны выставачны праект “ЭкаChallenge”, на якім прадстаўлены плакаты і кнігі на экалагічную тэматыку з фондаў Нацыянальнай бібліятэкі Беларусі.

Вялікай Перамозе прысвячаецца!

15.04.2020

Да 75-годдзя Перамогі ў Вялікай Айчыннай вайне 1941–1945 гадоў 15 красавіка Нацыянальная бібліятэка Беларусі падрыхтавала маштабны выставачны праект “Вялікая Перамога”.

З глыбінь перажытага

07.04.2020

З 7 красавіка па 30 мая ў зале беларускай літаратуры (пам. 205) праходзіць выстаўка “З глыбінь перажытага”, прымеркаваная да 100-годдзя з дня нараджэння беларускага пісьменніка Аляксея Нічыпаравіча Карпюка (1920–1992).



111