Дата правядзення
Час правядзення
Месца правядзення
20 чэрвеня ў Нацыянальнай бібліятэцы адбудзецца цырымонія перадачы ў дар раённым і гарадскім бібліятэкам выдання Вячаслава Бандарэнкі “Четыре судьбы. Одна Родина”.
Раман члена Саюза пісьменнікаў Рэспублікі Беларусь Вячаслава Бандарэнкі “Четыре судьбы. Одна Родина” – сумесны праект Беларускага саюза сувораўцаў і кадэтаў і аўтара, які з'яўляецца членам гэтага аб'яднання. Праект стартаваў у 2013 годзе, электронная публікацыя рамана праходзіла ў рэжыме анлайн на сайце грамадскага аб'яднання на працягу амаль трох гадоў.
Раман выйшаў у свет у выдавецтве “Аверсэв”. Сімвалічна, што кніга пра людзей у пагонах, выпускнікоў Полацкага кадэцкага корпуса, лепшых прадстаўнікоў рускага афіцэрства выдадзена ў год падчас святкавання 100-годдзя Узброеных Сіл Рэспублікі Беларусь, 75-годдзя абвяшчэння стварэння сувораўскіх ваенных і нахімаўскіх ваенна-марскіх вучылішчаў і 65-годдзя Мінскага сувораўскага ваеннага вучылішча (СВВ).
Пасля выдання раман В. Бандарэнкі паступіў у бібліятэкі кадэцкіх вучылішчаў, спецыялізаваных ліцэяў і Мінскага СВВ. У бліжэйшы час яго атрымаюць гарадскія і раённыя бібліятэкі Беларусі. Першы этап гэтай акцыі – перадача 200 экзэмпляраў – адбудзецца ў Нацыянальнай бібліятэцы Беларусі.
У цырымоніі дарэння прымуць удзел члены Беларускага саюза сувораўцаў і кадэтаў, навучэнцы Мінскага СВВ, спецыялізаванага ліцэя МУС і Мінскага гарадскога кадэцкага вучылішча.
Мерапрыемства пачнецца а 15-й гадзіне ў галерэі "Лабірынт" (3-ці паверх).
Тэлефоны для даведак: (8 017) 266 37 37, 293 28 23.
Е-mail: pr@nlb.by
Чытайце таксама:
Раман-эпапея “Четыре судьбы. Одна Родина” папоўніць фонды бібліятэк краіны