Дата правядзення
Час правядзення
Месца правядзення
Кніга “Арганы Беларусі” – гэта навуковыя даследаванні і маляўнічыя ілюстрацыі. Яе чытачоў чакае займальнае падарожжа, бо арганная культура Беларусі – гэта больш за 600 гадоў незвычайна багатай і прыгожай гісторыі.
Змяняліся эпохі, адбываліся лёсавызначальныя для нашай краіны падзеі, а гукі аргана ўсё так жа працягваюць напаўняць душы беларусаў супакоем і ціхамірнасцю.
Імёны выбітных арганістаў і кампазітараў, арганных майстроў, а таксама тэхнічныя характарыстыкі кожнага з апісаных інструментаў – усё гэта можна знайсці ў выданні “Арганы Беларусі”.
Ідэя падрыхтоўкі і выпуску кнігі нарадзілася ў выдавецтве “Беларуская Энцыклапедыя імя Петруся Броўкі” і знайшла падтрымку сярод беларускіх музыказнаўцаў.
Даследаванне заняло амаль год, сама экспедыцыя – 39 дзён. Матэматык-арганіст Аляксандр Бурдзялёў у кампаніі фатографа выдавецтва Анатоля Дрыбаса праехалі 13 тысяч кіламетраў у пошуках ацалелых “каралёў музычных інструментаў”.
Жадаючых паглядзець на ўнікальнае выданне і больш даведацца пра яго чакаем 25 верасня ў 16.00 у галерэі “Ракурс” (2-гі паверх).
Тэлефоны для даведак: (8 017) 293 28 81, 266 37 37, 293 28 23.
Е-mail: pr@nlb.by
Чытайце таксама, як прайшла прэзентацыя кнігі “Арганы Беларусі”.