Літаратурная гадзіна для дзяцей “Вясёлыя гісторыі”

24 кастрычніка дзіцячы пакой запрашае на літаратурную гадзіну “Вясёлыя гісторыі”.

На мерапрыемстве дзеці пазнаёмяцца з дзівосным кніжным светам Эдуарда Успенскага, поўным пацешных прыгод. Кожная гісторыя з Прастаквашына – гэта добрая і вясёлая гульня, якая дае прастор фантазіі і вынаходлівасці, здольная навучыць дабру, узаемадапамозе і разуменню.

Аб адных займальных прыгодах з жыцця герояў Успенскага ўдзельнікі прачытаюць у кніжках, іншыя – убачаць у мультфільме, трэція – разгадаюць у віктарыне.

На кніжнай выстаўцы юным чытачам будуць прадстаўлены самыя незвычайныя і маляўнічыя кнігі Эдуарда Успенскага.

Час правядзення мерапрыемства: 18.00–19.30.
Папярэдні запіс па тэлефоне: (8 017) 293 25 34.