Дата правядзення
Час правядзення
Месца правядзення
З 1 лістапада па 30 снежня ў зале перыядычных выданняў (пам. 106) праходзіць тэматычная выстаўка “Аднаўляльныя крыніцы энергіі – дастойная альтэрнатыва”.
У сучасным свеце існуе некалькі глабальных праблем, і вычарпанне прыродных рэсурсаў – адна з іх. Чалавецтва ўсё больш задумваецца аб альтэрнатыўных крыніцах атрымання энергіі. За апошнія пару гадоў больш чым падвоілася колькасць гарадоў у свеце, якія забяспечваюць сябе “зялёнай энергіяй”, і гэта імпульс для мноства іншых мегаполісаў для пераходу ад выкапнёвага паліва да аднаўляльных крыніц.
Згодна з даследаваннямі, Беларусь таксама валодае неабходным тэхнічным патэнцыялам і эканамічнымі перадумовамі для ажыццяўлення трансфармацыі энергетычнага сектара і павелічэння долі “зялёнай энергіі”. Чакаецца, што наша краіна да 2050 года зможа дасягнуць да 81 % аб'ёму “зялёнай энергіі” ў канчатковых пастаўках энергіі. Рэалізацыя энергетычнага пераходу будзе спрыяць паскарэнню росту ВУП і паляпшэнню экалагічных паказчыкаў.
Аб выкарыстанні аднаўляльных крыніц энергіі ў Беларусі раскажуць публікацыі ў часопісах “Энергетика и ТЭК”, “Промышленная безопасность”, “Энергоэффективность”, “Наше сельское хозяйство” і інш.
Пазнаёміцца з працай XXIII Беларускага энергетычнага і экалагічнага форуму наведвальнікам дапамогуць газеты “Рэспубліка”, “СБ: Беларусь сегодня”, “Экономическая газета”.
Усяго на выстаўцы прадстаўлена каля 40 перыядычных выданняў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.
Тэлефон для даведак: (8 017) 293 25 87.
