Дата правядзення
Месца правядзення
З 5 па 30 лістапада запрашаем на выстаўку “Восеньскі калейдаскоп”, якая праходзіць у зале міжбібліятэчнага і індывідуальнага абанемента (пам. 164).
Восень – апошняя, самая чароўная ўсмешка года.Увосень не хочацца нікуды спяшацца. Наадварот, гэта пара года схіляе да павольных шпацыраў па ўтульных алеях паркаў, дзе так рамантычна шамаціць пад нагамі лісце. Восень – час філасофскіх разважанняў, гарачай гарбаты, цёплага пледа і сяброўскіх гутарак. Час прыемнай меланхоліі, сузірання прыгожай прыроды і чытання новых кніг. Час, калі для нас асабліва важна саграваць адзін аднаго словамі і пачуццямі.
Уільям К. Брайант.
Наведаўшы выстаўку “Восеньскі калейдаскоп”, вы ўбачыце прыгажосць восені ў творах літаратуры, пазнаёміцеся з раманамі, якія сталі асновай цікавых экранізацый, даведаецеся, якія стравы можна прыгатаваць з восеньскіх дароў. Вас чакае падборка выдатных кніг, з якімі захочацца правесці ўтульны вечар з кубкам духмянай гарбаты.
Час работы выстаўкі:
пн. – чц. 10.00–19.00,
пт. 10.00–18.00,
сб., нядз. – выхадны.
Уваход – па чытацкім білеце ці білеце сацыякультурнага цэнтра бібліятэкі.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.