Дата правядзення
Час правядзення
Месца правядзення
З 21 лістапада па 7 снежня запрашаем наведаць перасоўную выстаўку “Даведайся пра мастацтва Амерыкі”, матэрыялы для якой прадаставіла Пасольства ЗША ў Рэспубліцы Беларусь.
Апісаць такую багатую з'яву, як амерыканскае мастацтва няпроста. Доўгі час амерыканская культура вяла дыялог з еўрапейскай, так як адным з ключавых пытанняў для краіны было пытанне нацыянальнай ідэнтычнасці. Канчатковае зацвярджэнне амерыканскага мастацтва, асабліва рэалістычнага і рамантычнага кірункаў, адносіцца да XIX стагоддзя.
Павышаную цікавасць выклікае мастацтва ЗША сярэдзіны XX стагоддзя. У гэты час адбываецца авангардны выбух абстрактнага экспрэсіянізму, на змену якому прыходзіць поп-арт.
Сучаснае мастацтва Амерыкі ўяўляе сабой дынамічную карціну, якая адрозніваецца разнастайнасцю стыляў, крытычных падыходаў і арыентацыяй на ўспрыманне публікі.
Экспазіцыя знаёміць наведвальнікаў з асноўнымі напрамкамі мастацтва ЗША, асабліва з сучаснымі арт-практыкам. Сярод экспанатаў – навуковыя і мастацкія кнігі па архітэктуры, жывапісе, графіцы, дызайне і фатаграфіі, постары з выявамі графіці, тэматычныя настольныя гульні, а таксама дакументальныя фільмы “Art: 21”, “Andy Warhol” і інш.
Усяго экспазіцыя налічвае больш за 100 дакументаў.
У рамках выстаўкі запрашаем наведаць лекцыю-прэзентацыю вядомага беларускага фатографа Уладзіміра Парфянка на тэму “Вівіян Майер і амерыканская стрыт-фатаграфія”, якая ладзіцца 22 лістапада а 19-й гадзіне ў зале дакументаў па мастацтве (пам. 306).
Час работы выстаўкі адпавядае рэжыму работы бібліятэкі.
Уваход на выстаўку і лекцыю-прэзентацыю – па чытацкім білеце ці білеце сацыякультурнага цэнтра.
Тэлефон для даведак: (8 017) 293 27 53.
Матэрыял падрыхтаваны аддзелам абслугоўвання спецыялізаванымі фондамі.
