Дата правядзення
Час правядзення
Месца правядзення
10 студзеня ў бiблiятэцы адбудзецца прэзентацыя электроннага выдання “Станаўленне беларускай дзяржаўнасці: па старонках беларускіх газет 1917–1922 гг.”
Падзеi стогадовай даўнiны кардынальна змянiлi жыццё многiх народаў свету. Беларусь таксама наблізілася да выбару свайго гістарычнага шляху.
Беларускія газеты, заснаваныя ў складаны час узрушэнняў, перамен і пабудовы новага дзяржаўнага ладу, сталі сапраўдным летапісам жыцця беларускага народа, каштоўнымі першакрыніцамі і неперадузятымі сведкамі свайго часу.
У сувязі з ростам зацікаўленасці вучоных і грамадскасці да падзей таго часу было вырашына стварыць электронны інфармацыйны рэсурс, на якім будуць прадстаўлены газеты з фондаў Нацыянальнай бібліятэкі Беларусі, Нацыянальнага архіва Рэспублікі Беларусь і іншых арганізацый.
Створаны DVD складаецца з 2-х дыскаў, на якіх размешчаны электронныя копіі каля 2400 нумароў газет, што выходзілі ў адзначаны перыяд на тэрыторыі сучаснай Беларусі і за яе межамі, але мелі дачыненне да Беларусі (Варшава, Вільня, Віцебск, Гродна, Магілёў, Мінск, Масква, Смаленск і інш.).
Электроннае выданне падрыхтавана на беларускай і рускай мовах і разлічана на вучоных, выкладчыкаў, аспірантаў, магістрантаў, студэнтаў ВНУ, краязнаўцаў, а таксама на ўсіх, хто цікавіцца айчыннай гісторыяй.
Мерапрыемства пачнецца а 16 гадзіне ў галерэі “Лабірынт” (3-ці паверх).
Уваход на мерапрыемства вольны.
Матэрыял прадастаўлены інфармацыйна-аналітычным аддзелам.
Чытайце таксама, як прайшла прэзентацыя электроннага выдання “Станаўленне беларускай дзяржаўнасці: па старонках беларускіх газет 1917–1922 гг.”.