Дата правядзення
Час правядзення
Месца правядзення
7 сакавіка ў канферэнц-зале Нацыянальнай бібліятэкі Беларусі адбыўся святочны канцэрт “Прэзентацыя жаночага часопіса «Яна»”, прысвечаны Дню жанчын.
Дырэктар Нацыянальнай бібліятэкі Беларусі Раман Матульскі цёпла павіншаваў супрацоўніц “алмаза ведаў” з надыходзячым святам і даў старт канцэртнай праграме.
Напярэдадні выдатнага вясновага свята глядачак парадавалі акрабатычны нумар у выкананні Алены Чухновай, выступленні артыстаў танцавальнага клуба “Сігма”, дуэта баяністаў “Не БоЯн style”, а таксама лаўрэата міжнародных конкурсаў, уладальніка прэміі “За духоўнае адраджэнне” Алега Сямёнава.
Павіншаваць калег песнямі на сцэну выйшлі і супрацоўнікі бібліятэкі: Васілій Прус, Леанід Крыўцоў, Кацярына Гарошка з сынам Міхаілам і Юлія Мільгунова.
Дарагія дамы! Віншуем з Днём жанчын! Жадаем вам здароўя, вясновага настрою, прыемных падарункаў, моцнай любові і шчырых усмешак!
Матэрыял прадастаўлены аддзелам сувязей з грамадскасцю.