Дата правядзення
Час правядзення
Месца правядзення
10 красавіка дзіцячы пакой запрашае дзяцей 5–10 гадоў на літаратурную гадзіну “Часопісы чытаць – свет пазнаваць”.
Як з разнастайнасці дзіцячых часопісаў выбраць найбольш цікавы і карысны? Паспаборнічаць у гэтым змогуць два гульнявыя пазнавальныя часопісы “Пропеллер” і “Островок”.
Вясёлыя героі часопіса “Пропеллер” - Шустрык, Цімоша, Праменьчык і Юні – навучаць маленькіх чытачоў маляваць, лічыць, разгадваць галаваломкі і крыжаванкі.
Часопіс “Островок” дапаможа праявіць кемлівасць у вырашэнні лагічных задач і разгадванні загадак, папрактыкавацца ў правядзенні нескладаных вопытаў і даведацца шмат цікавага пра навакольны свет.
Дзеці пагуляюць у вясёлым лабірынце, збяруць каляровыя пазлы і пройдуць пацешны тэст на веданне папулярных мультфільмаў.
Хто ж акажацца пераможцам?
Час правядзення мерапрыемства: 18.00–19.30.
Папярэдні запіс па тэлефоне: (8 017) 293 25 34.
Матэрыял прадастаўлены аддзелам запісу і інфармавання карыстальнікаў.