Дата правядзення
Час правядзення
Месца правядзення
На дзіцячай пляцоўцы фестывалю “Горад і кнігі” адбудуцца заняткі "Партрэт першадрукара" ад Нацыянальнай бібліятэкі Беларусі.
“Горад і кнігі” – фестываль, які аб’ядноўвае ўсіх кніжнікаў горада. У ім не магла не прыняць удзел галоўная бібліятэка краіны.
“Партрэт першадрукара” – гэта інтэрактыўныя творчыя заняткі, якія прадставіць праект Нацыянальнай бібліятэкі Беларусі “Клуб кніжных прафесараў”.
Партрэты першадрукара Францішка Скарыны стваралі знакамітыя беларускія мастакі. Удзельнікі заняткаў пабачаць шматлікія партрэты XVI–XXI стагоддзяў, а затым самі возьмуцца за творчую працу. Яны зробяць тантамарэскі – яркія стэнды для фотаздымкаў з адтулінай для твару. У выніку кожны ўдзельнік ненадоўга стане беларускім першадрукаром.
Узрост: 5–12 гадоў.
Калі: 20 красавіка (субота), 15.00–16.00.
Дзе: дзіцячая пляцоўка, Навуковая бібліятэка БНТУ, вул. Якуба Коласа, 16.
Уваход вольны!
Распавядзіце пра фестываль сваім сябрам! Няхай кніжнікаў становіцца больш і больш! Да сустрэчы!
Матэрыял прадастаўлены навукова-даследчым аддзелам кнігазнаўства.
