Дата правядзення
Час правядзення
Месца правядзення
З 17 мая па 8 жніўня ў зале беларускай літаратуры (пам. 205) праходзіць выстаўка “Каб неба мірнае – навек!”, прымеркаваная да 75-годдзя з пачатку беларускай аперацыі 1944 г., адной з буйнейшых стратэгічных наступальных аперацый Савецкай арміі ў Вялікую Айчынную вайну пад кодавай назвай “Баграціён”.
Тры доўгія гады чакала Еўропа вызвалення, і менавіта паспяховае правядзенне аперацыі “Баграціён” 23–29 чэрвеня 1944 г. прынесла народам надзею на доўгачаканае вызваленне ад нямецка-фашысцкіх захопнікаў, на лепшую долю і жыццё. Вермахт панёс на Беларусі такія вялікія страты ў жывой сіле і тэхніцы, аправіцца ад якіх Германія была не ў стане аж да канца вайны. Аперацыя “Баграціён” цалкам ачысціла нашу краіну ад нямецкага нашэсця.
Пра падрыхтоўку наступлення, яго ўдзельнікаў, пачатак, ход вызваленчай аперацыі і яе вынікі раскажуць наведвальнікам прадстаўленыя на выстаўцы дакументы: энцыклапедыі, манаграфіі, калектыўныя зборнікі, матэрыялы канферэнцый і перыядычныя выданні. Усяго экспануецца каля 90 выданняў, сярод якіх “Операция «Багратион»”, “Освобождение Беларуси: хроника, события, герои, 1943–1944 гг.”, “Беларусь. 1941–1945: Подвиг. Трагедия. Память”, “В поисках утраченного времени” В. Сарычава і інш.
Час работы выстаўкі адпавядае рэжыму работы бібліятэкі.
Уваход на выстаўку – па чытацкім білеце ці білеце сацыякультурнага цэнтра бібліятэкі.
Тэлефон для даведак: (8 017) 293 27 16.
Матэрыял прадастаўлены аддзелам абслугоўвання спецыялізаванымі фондамі.
