Дата правядзення
Час правядзення
Месца правядзення
З 23 мая на 3-м паверсе кальцавога калідора прадстаўлена экспазіцыя “Чытаем разам – пазнаём адзін аднаго” – перасоўная выстаўка мастацкіх кніг сучасных аўтараў дзяржаў – удзельніц Садружнасці Незалежных Дзяржаў (СНД).
Літаратура – вобразнае адлюстраванне жыцця чалавека і грамадства. У мастацкіх творах паказваецца пэўная эпоха са сваімі непаўторнымі прыкметамі, выяўляюцца істотныя і важныя для народа погляды, думкі, ідэі.
Выстаўка “Чытаем разам – пазнаём адзін аднаго” – частка праграмы Года кнігі ў СНД. Творы пісьменнікаў краін СНД прэзентуюцца ў нацыянальных бібліятэках, культурна-асветніцкіх установах Масквы, Нур-Султана, Душанбэ, Баку і іншых гарадах.
Дзевяць краін Садружнасці перадалі для экспанавання 56 выданняў. Гэта кнігі сучасных аўтараў, а таксама пісьменнікаў, якія тварылі ў розны час, але актыўна выдаюцца сёння ў сілу актуальнасці гучання і асаблівай папулярнасці іх твораў.
Дадзеная экспазіцыя дазволіць далучыцца да асэнсавання творчасці пісьменнікаў СНД і дапаможа лепш зведаць сённяшняе жыццё, каштоўнасці і памкненні сваіх суседзяў.
Экспазіцыя адрасавана шырокаму колу чытачоў і наведвальнікаў бібліятэкі.
Запрашаем наведаць выстаўку да 20 чэрвеня 2019 г.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8017) 293 29 80.
Матэрыял прадастаўлены аддзелам галерэйна-выставачнай дзейнасці.