Ёсць яшчэ адна нагода наведаць Нацыянальную бібліятэку Беларусі: аддзел экскурсійна-метадычнай работы запрашае на экскурсію-квест “У пошуках спадчыны Францыска Скарыны”.
Падчас квеста кожны адчуе сябе актыўным удзельнікам падзей, праявіць кемлівасць і знаходлівасць. З дапамогай карты і размешчаных у будынку бібліятэкі падказак экскурсанты разгадаюць рэбусы і галаваломкі, пазнаёмяцца з цікавымі фактамі з жыцця Францыска Скарыны і гісторыі нашай краіны.
У канцы экскурсіі ўдзельнікаў чакае сюрпрыз – сертыфікат аб праходжанні квеста і пад’ём на аглядную пляцоўку.
Экскурсіі ў незвычайным фармаце адрасаваны ў першую чаргу дзецям, якія адпачываюць у летніх школьных лагерах, а таксама ўсім, хто хоча больш даведацца аб спадчыне Францыска Скарыны.
Групы фармуюцца па папярэднім запісе. Склад групы – да 15 чалавек.
Заяўкі прымаюцца з 10.00 да 18.00 з панядзелка па суботу.
Тэлефоны для запісу: (8 017) 293 29 66, 293 28 53.
Матэрыял пададзены аддзелам экскурсійна-метадычнай работы.
