Дата правядзення
Час правядзення
Месца правядзення
Мінск – сталіца з даўняй цікавай гісторыяй, але калі ў горадзе пачынаюць жыць твае ўспаміны, ён становіцца асабліва родным і блізкім. Выстаўка “Мінск. Горад і час”, прымеркаваная да Дня горада, прадставіць здымкі фатографа Вадзіма Качана, для якога Мінск – яго жыццё.
У сваіх работах аўтар разглядае, як змянялася сталіца, асабліва культурна-архітэктурны ансамбль праспекта Незалежнасці – яго здымкаў большасць на выстаўцы.
Вадзім Качан супастаўляе і параўноўвае фота 1980-х гадоў з сучасным. Кожны са здымкаў наведвальнікі галерэі могуць напоўніць сваімі ўласнымі ўспамінамі і пачуццямі, парадавацца новаму, аддаць дань памяці мінуламу, паабяцаць сабе захаваць каштоўнае і не згубіць сучаснае.
Мінулае на экспазіцыі прадстаўлена чорна-белымі фотаздымкамі, зробленымі самымі распаўсюджанымі ў тыя гады камерамі ФЭД і Зеніт. Сучаснасць перададзена каляровымі здымкамі, зробленымі пры дапамозе тэлефона – самага распаўсюджанага фотаапарата нашых дзён. Такая разнастайнасць у сродках дэманструе яшчэ адно адрозненне эпох – тэхналагічнае. Тое, што ў 1980-я лічылася фантастыкай, сёння стала для нас рэальнасцю.
Адкрыццё выстаўкі адбудзецца 12 верасня а 17 гадзіне ў галерэі “Ракурс” (2-гі паверх).
Выстаўка працягне працу да 26 лістапада 2019 г.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
На адкрыццё ўваход вольны, у іншы час – па чытацкім білеце або білеце сацыякультурнага цэнтра.
Тэлефоны для даведак: (8 017) 293 28 33, 293 28 81.
E-mail: pr@nlb.by
Матэрыял прадастаўлены аддзелам сувязей з грамадскасцю.
Чытайце таксама, як прайшло адкрыццё фотавыстаўкі “Мінск. Горад і час".