ГалоўнаяМерапрыемствы80 гадоў уз’яднання БССР – бібліятэка запрашае на новую выстаўку
Размова з адвакатам аб правах і гарантыях маладога спецыяліста
Напярэдадні Дня бібліятэк павіншавалі лепшых па прафесіі

80 гадоў уз’яднання БССР – бібліятэка запрашае на новую выстаўку

80 гадоў уз’яднання БССР – бібліятэка запрашае на новую выстаўку
Іншыя мерапрыемствы
17 верасня – 8 снежня
Дата правядзення
10.00–21.00
Час правядзення
галерэя "Атрыум" (3-ці паверх)
Месца правядзення

У бібліятэцы адкрываецца выставачны праект “17 верасня 1939 года. Ты з Заходняй, я з Усходняй нашай Беларусі”, прысвечаны 80-годдзю ўз’яднання БССР.

17 верасня 1939 года – адна з самых значных дат у гісторыі краіны. Менавіта тады загадам савецкага ўрада былі аб’яднаны Заходняя і Усходняя часткі Беларусі.

Экспанаты выстаўкі прадастаўлены Нацыянальным архівам Рэспублікі Беларусі, Беларускім дзяржаўным архівам кінафотадакументаў, Нацыянальнай бібліятэкай Беларусі.

Наведвальнікаў экспазіцыі чакаюць арыгіналы дакументаў, у тым ліку перыядычны друк – артыкулы “СБ” і “Звязды” за 1939 год, афіцыйныя фотаздымкі, літаратурны водгук беларускіх паэтаў на ўз’яднанне краіны, прадстаўленыя ў кнігах і перыядычных выданнях.

Акрамя гэтага наведвальнікі выстаўкі змогуць азнаёміцца з творчасцю айчынных мастакоў-графікаў, якія праз свае работы перадалі настрой аб’яднанага народа. Шчырыя ўпэўненыя твары, працоўныя рукі, адказныя прынцыповыя характары герояў графічных сюжэтаў яскрава малююць будні БССР 60–80-х гг.

У экспазіцыі – работы Г. Паплаўскага, Л. Рана, М. Селешчука, М. Моўчана, К. Ціхановіча, Я. Бусла, А. Паслядовіч, М. Басалыгі, Э. Агуновіча, С. Геруса, А. Кашкурэвіча, В. Шаранговіча і іншых. Выстаўка дае магчымасць дакрануцца да досведу ранейшых пакаленняў мастакоў, павучыцца тэхнічным сродкам.


Азнаёміцца з выставачным праектам можна да 8 снежня 2019 г.
Дата заканчэння работы выстаўкі можа быць зменена.

Час работы выстаўкі адпавядае рэжыму работы бібліятэкі.
На адкрыццё ўваход вольны, у іншы час – па чытацкім білеце або білеце сацыякультурнага цэнтра.

Тэлефон для даведак: (8 017) 293 28 33, 293 28 81.
E-mail: pr@nlb.by

Матэрыял прадастаўлены аддзелам сувязей з грамадскасцю.

Чытайце таксама, як прайшло адкрыццё выстаўкі “17 верасня 1939 года. Ты з Заходняй, я з Усходняй нашай Беларусі”

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.

Яго жыццё – тэатр

10.06.2020

З 1 чэрвеня па 3 жніўня ў зале беларускай літаратуры (пам. 205) праходзіць юбілейная выстаўка “Яго жыццё – тэатр”, прысвечаная 70-годдзю беларускага пісьменніка, заслужанага дзеяча мастацтваў Беларусі Аляксея Ануфрыевіча Дударава.

Вакол свету па кніжных старонках

15.06.2020

З 15 чэрвеня па 26 жніўня запрашаем на выстаўку “Вакол свету па кніжных старонках” у чытальнай зале аддзела міжбібліятэчнага абанемента і дастаўкі дакументаў (пам. 164).

Вобразы зменлівага свету: мастацтва японскай гравюры

12.06.2020

З 12 чэрвеня па 25 жніўня ў зале дакументаў па мастацтве (пам. 306) праходзіць кніжна-ілюстрацыйная выстаўка “Вобразы зменлівага свету: мастацтва японскай гравюры” з калекцыі выяўленчых дакументаў Нацыянальнай бібліятэкі Беларусі.



111