ГалоўнаяМерапрыемствыЧым падобны Беларусь і Кітай? Адказ у новай выстаўцы “Традыцыі сустракаюцца”
Упершыню ў Беларусі адсвяткуюць Еўрапейскі дзень моў!
Літаратурная гадзіна “Дарожная азбука”

Чым падобны Беларусь і Кітай? Адказ у новай выстаўцы “Традыцыі сустракаюцца”

Чым падобны Беларусь і Кітай? Адказ у новай выстаўцы “Традыцыі сустракаюцца”
Іншыя мерапрыемствы
25 верасня – 20 студзеня
Дата правядзення
10:00–21:00
Час правядзення
галерэя "Лабірынт" (2-гі паверх)
Месца правядзення

Дзве краіны – Блакітнавокая і Паднябесная – у галерэі “Лабірынт”. Беларуска-кітайскі выставачны праект “Традыцыі сустракаюцца” прадставіць культурную спадчыну дзяржаў.

Нягледзячы на тое, што нашы краіны знаходзяцца на розных баках Еўразійскага кантынента, і ў Кітаі, і ў Беларусі ёсць традыцыі, якія ўласцівыя і беларускаму, і кітайскаму мастацтву: мастацтва выразання з паперы, народны жывапіс, некаторыя віды дэкаратыўна-прыкладнога мастацтва.

Наведвальнікаў выстаўкі чакаюць экспанаты з Пекіна – кітайскае традыцыйнае мастацтва ў розных тэхніках. На экспазіцыі будуць прадстаўлены выразанне з паперы, саломка, роспіс на батыку, навагодні роспіс, ліхтарыкі ручной працы, афарбаваныя кветкамі і кітайскай каліграфіяй, разьба па яечнай шкарлупіне. Аўтары гэтых работ – Се Чэнфэй, Лань Сяоці, Чжуан Цунцань, Ян Цуаньфу, Чжан Сяоянь, Лі Дэфэнь, Цінь Цзэжун, Чан Лісянь, Чжу Лія, Чэнь Цян, Вань Лін, Чэнь Ін, Шао Лэй.

Беларуская частка экспазіцыі – выцінанкі. Іх аўтары Анастасія Кузьміч, Вольга Налівайка, Галіна Жураўлёва, Валянціна Слюнчанка, Вера Янушэўская, Наталля Сухая – майстрыхі, члены Беларускага саюза мастакоў народнай творчасці. Іх работы ўвасабляюць класічныя сюжэты, песні, філасофскія іншасказанні і разважанні, вобразы жывёл, птушак і беларускіх міфалагічных істот.


Мерапрыемства пачнецца 25 верасня а 16-й гадзіне ў галерэі “Лабірынт” (3-ці паверх).

Выстаўка працягне працу да 20 студзеня 2020 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
На адкрыццё ўваход вольны, у іншы час – па чытацкім білеце або білеце сацыякультурнага цэнтра.

Тэлефон для даведак: (8 017) 293 28 33, 293 28 81.
E-mail: pr@nlb.by

Чытайце таксама, як прайшло адкрыццё выставачнага праекта “Традыцыі сустракаюцца”.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

У песні я знайшоў сябе

08.07.2020

З 8 ліпеня па 3 лістапада ў зале нотных і аўдыявізуальных дакументаў (пам. 305) праходзіць юбілейная выстава “У песні я знайшоў сябе”, прысвечаная 80-годдзю кампазітара Давіда Фёдаравіча Тухманава.

Пясняр хараства і волі

06.07.2020

З 6 ліпеня па 1 верасня ў зале беларускай літаратуры (пам. 205) праходзіць выстаўка “Пясняр хараства і волі”, прысвечаная 120-годдзю з дня нараджэння беларускага паэта, празаіка, перакладчыка Уладзіміра Мікалаевіча Дубоўкі (1900 ці 1901–1976).

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.



111