Дата правядзення
Час правядзення
Месца правядзення
Штогод 26 верасня ў розных краінах Еўропы прывабліваюць асаблівую ўвагу да вывучэння моў у школах і заахвочваюць не спыняць гэты працэс на працягу ўсяго жыцця. Бо мова – гэта галоўны сродак камунікацыі. Цяпер гэта свята прыйшло і ў нашу краіну.
14 сталоў – 14 моў. Гасцям мерапрыемства прапануюць пераадолець моўны бар’ер у фармаце спікдэйтынгу, так званых кароткіх сустрэч. Размова з сапраўднымі носьбітамі дазволіць пашырыць свой вопыт адразу ў некалькіх замежных мовах. Свята пройдзе ў сценах скарбніцы ведаў – Нацыянальнай бібліятэкі Беларусі.
У гасцей мерапрыемства з’явіцца магчымасць пабываць на інтэнсіўных уроках аўстрыйскай, англійскай, беларускай, балгарскай, венгерскай, дацкай, ідыш, італьянскай, літоўскай, нямецкай, польскай, французскай, шведскай і мовы жэстаў. У кожнага выкладчыка будзе каля 10 хвілін, за якія любы жадаючы паспее атрымаць агульнае ўяўленне пра мову і пагаварыць з яе носьбітам.
Мерапрыемства адбудзецца 26 верасня а 16-й у галерэі “Ракурс” (2-гі паверх), правы бакавы ўваход у бібліятэку.
Наведаць Еўрапейскі дзень моў можа любы жадаючы – уваход вольны.
Тэлефон для даведак: (8 017) 293 27 64.
E-mail: ird@nlb.by
Матэрыял прадастаўлены аддзелам сувязей з грамадскасцю.
Чытайце таксама, як прайшоў Еўрапейскі дзень моў у Нацыянальнай бібліятэцы.
