ГалоўнаяМерапрыемствыТаямніцы парыжскіх падмосткаў
Мастак лірыкі і драмы
Круглы стол, прысвечаны Берасцейскай Бібліі

Таямніцы парыжскіх падмосткаў

Таямніцы парыжскіх падмосткаў
Іншыя мерапрыемствы
14 лістапада – 10 снежня
Дата правядзення
10.00–21.00
Час правядзення
пам. 306
Месца правядзення

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Цыркі і мюзік-холы, кабарэ і кафэ-шантаны, танцоркі і спявачкі, клоўны і шансанье, яркае жыццё багемы... Адлюстраваны мастаком свет – гэта свет забаў, відовішчаў і святаў, аднак гэта толькі вонкавая прыгажосць і бляск парыжскіх падмосткаў. Смешнае і камічнае, радаснае і забаўляльнае набывае ў мастака трагічнае гучанне, пачуццё горычы і драматызму. Гратэск, адваротны бок жыцця і ўнутраны надлом, захаваны пад маскай забаўляльнасці, невыпадковыя ў яго творчасці, бо ў лёсе Тулуз-Латрэка не было паўнавартаснага шчасця: кроўнае сваяцтва паміж бацькамі, узмоцненае выпадковай траўмай, атрыманай у юнацтве, зрабілі мастака інвалідам з непрапарцыйным целам.

Жыццёвыя абставіны не толькі не зламалі Тулуз-Латрэка, але і шмат чаму навучылі яго. Мастак надзвычай тонка адчуваў унутраную сутнасць чалавека любога ўзросту, прафесіі і саслоўя, якую па-майстэрску, з уласцівым яму псіхалагізмам і глыбінёй, захаваў у шэрагу сваіх жывапісных партрэтаў, пастэляў, малюнкаў і карыкатур. Валодаючы фізічным недахопам у жыцці, майстар перанёс на свае палотны прыгажосць чалавечага цела, гнуткасць танцоўшчыкаў, спрыт цыркавых акрабатаў і гімнастаў.

На выставе прадстаўлены рэпрадукцыі твораў Анры дэ Тулуз-Латрэка. Сярод іх – “Танец у Мулен Руж”, “Клаўнеса Ша-У-Као”, “Жакеі”, “У Мулен дэ ла Галет”, партрэт французскай спявачкі і актрысы Івэты Гільбер, працы з серыі “Цырк”, літаграфіі з альбома “Яны”, якія адлюстроўваюць жыццё і немудрагелісты побыт беднякоў і сялян.

З’яўляючыся прыроджаным графікам, Тулуз-Латрэк пакінуў вялікую спадчыну ў выглядзе паліхромных афіш. Мастак адным з першых стаў ужываць у графіцы маляўнічы прыём распырсквання фарбы, зрабіўшы афішу сапраўдным творам мастацтва. Не пакінуць абыякавымі рэпрадукцыі яго прац “Арыстыд Бруан”, “Кабарэ «Японская канапа»”, “Жанна Аўрыль” і інш.

Экспазіцыя пазнаёміць з разнастайнасцю кніг пра майстра, сярод якіх “Жизнь Тулуз-Лотрека” французскага пісьменніка А. Перушо, раман “Мулен Руж. Трагическая жизнь Тулуз-Лотрека” П. Ла Мура, даследаванні пра мастака аўтарытэтных мастацтвазнаўцаў Л. Вентуры, Г. Грутроя, Н. Варкуновай.

Зацікавяць наведвальнікаў альбомы пра постімпрэсіянізм, прадстаўніком якога з’яўляўся майстар, шматлікія артыкулы пра мастака, а таксама інфармацыя пра прадстаўленне асобы і творчасці Тулуз-Латрэка ў сучаснай культуры.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Энцыклапедыя. Нацыянальны праект

11.12.2019

Беларусы адбыліся як нацыя. Пра гэта пераканаўча сведчыць стварэнне беларускай ўніверсальнай энцыклапедыі. Менавіта да яе 50-годдзя прымеркавана выстава “Энцыклапедыя. Нацыянальны праект”, адкрыццё якой адбудзецца 17 снежня а 16-й гадзіне ў музеі кнігі.

Роўныя правы, роўныя магчымасці

03.12.2019

З 3 па 25 снежня ў зале дакументаў міжнародных арганізацый (пам. 207g) адкрыта тэматычная выстаўка “Прававая і сацыяльная абарона інвалідаў”, прысвечаная Міжнароднаму дню інвалідаў.

Снег – зімовы цуд

04.12.2019

7 снежня дзіцячы пакой запрашае ў займальнае літаратурнае падарожжа “Снег – зімовы цуд” і пакажа незвычайную і вельмі пазнавальную “Большую книгу снега и льда”.

Навагодні серпанцін

03.12.2019

З 3 снежня  па 15 студзеня на кальцавым калідоры 2-га паверха Нацыянальнай бібліятэкі Беларусі арганізавана святочная тэматычная выстаўка “Навагодні серпанцін”.

Жыццё вялікае і шчодрае

29.11.2019

З 29 лістапада па 19 снежня ў зале беларускай літаратуры (пам. 205) праходзіць выстаўка “Жыццё вялікае і шчодрае”, прымеркаваная да 120-годдзя з дня нараджэння народнага пісьменніка Беларусі Міхася Лынькова (1899–1975).

Звіняць калядныя званы і запрашаюць на выставу

28.11.2019

Напярэдадні свят у Нацыянальнай бібліятэцы адкрыецца светлая, маляўнічая і між тым глыбокая па сэнсе выстаўка жывапісу “Калядныя званы”, якая прадставіць работы беларускага мастака Рыгора Іванова.

Без пэндзліка і фарбаў

26.11.2019

27 лістапада дзіцячы пакой запрашае дзяцей на майстар-клас па пластылінавым жывапісе “Без пэндзліка і фарбаў”.



111