Дата правядзення
Час правядзення
Месца правядзення
Кошт наведвання
З 27 па 30 снежня чакаем вас на маляўнічай навагодняй тэатралізаванай інтэрактыўнай імпрэзе “Школа навагодніх прамудрасцей Дзеда Мароза”!
У сваёй Снежнай школе Дзед Мароз вучыць навагоднім і зімовым прамудрасцям усіх тых, хто хоча вучыцца – снегавічкоў, лесавічкоў і гномікаў. А смешныя, неразумныя і шкодныя марскія піраты Злючка, Хітручка і Жаднючка вучыцца зусім не хочуць. Чаго ж яны хочуць на самай справе і з якой мэтай прыплылі ў навагоднюю краіну? Разам з героямі казкі гледачы пройдуць праз няпростыя выпрабаванні, каб знайсці адказ на гэтае пытанне і зразумець, што цяжкасці можа пераадолець не толькі чараўніцтва, але і сапраўдная дружба, смеласць і дабрыня.
Перад пачаткам спектакля дзяцей чакае забаўляльна-гульнявая праграма з удзелам казачных герояў, парадам навагодніх касцюмаў і, вядома ж, карагодам каля ёлкі!
Кошт квітка – 10 рублёў, дзеці да трох гадоў бясплатна (без месца).
Білеты можна набыць за безнаяўны разлік, анлайн і ў касе бібліятэкі ў дзень правядзення мерапрыемства (пры наяўнасці свабодных месцаў).
Чакаем вас па адрасе: пр-т Незалежнасці, 116, Нацыянальная бібліятэка Беларусі, канферэнц-зала, уваход правы бакавы.
Падрабязная інфармацыя па тэлефонах: (8 017) 293 25 56, 293 29 99.
Матэрыял прадастаўлены аддзелам культурна-відовішчнай дзейнасці.