Дата правядзення
Час правядзення
Месца правядзення
7 снежня дзіцячы пакой запрашае ў займальнае літаратурнае падарожжа “Снег – зімовы цуд” і пакажа незвычайную і вельмі пазнавальную “Большую книгу снега и льда”.
У ёй столькі цікавых фактаў і малюнкаў, якія раскрыюць усе таямніцы ўзнікнення снегу, яго асаблівасці і нават спосабы прымянення.
З кнігай можна гуляць, праводзіць вясёлыя віктарыны, прыдумляць уласныя гісторыі з героямі малюнкаў, разглядаць маляўнічыя развароты і адгадваць схаваныя ўнутры іх выявы.
Зімовы настрой у дзяцей падтрымаюць гульні “Зляпі снежную фігуру” і “Зрабі сняжынку”, віктарыны, загадкі, песенькі і вершы пра першы снег, а яшчэ ўдзельнікі мерапрыемства навучацца выразаць прыгожыя сняжынкі.
Для дзяцей 5–10 гадоў.
Час правядзення мерапрыемства: 14.30–16.00.
Папярэдні запіс па тэлефоне: (8 017) 293 25 34.
Матэрыял прадастаўлены аддзелам запісу і інфармавання карыстальнікаў.
