ГалоўнаяМерапрыемствыПра беларускіх ілюстратараў, якія прысвяцілі талент Яе Вялікасці Кнізе
Святло і паветра мастака Пятра Шарыпы
Снег – зімовы цуд

Пра беларускіх ілюстратараў, якія прысвяцілі талент Яе Вялікасці Кнізе

Пра беларускіх ілюстратараў, якія прысвяцілі талент Яе Вялікасці Кнізе
Іншыя мерапрыемствы
10 снежня
Дата правядзення
17.00–18.30
Час правядзення
зала дакументаў па мастацтве (пам. 306)
Месца правядзення

10 снежня ў бібліятэцы адбудзецца прэзентацыя зборніка Вольгі Паўлючэнка “Малюнак пад кніжнай вокладкай”.

У кнігу ўвайшлі інтэрв’ю Вольгі Міхайлаўны з вядучымі кніжнымі графікамі Беларусі. Журналіст распытвала суразмоўцаў аб коле чытацкіх інтарэсаў, дзяцінстве, шляху ў прафесію, меркаваннях пра будучыню айчыннай кніжнай графікі, любімых кнігах – прачытаных і аздобленых.

У прадмове да выдання Вольга Паўлючэнка піша: “Гады працы падарылі шмат сустрэч з выбітнымі прадстаўнікамі беларускай культуры, такімі як Арлен Кашкурэвіч, Мікалай Казлоў, Віктар Кліменка, Алена Лось, Наталля Сустава, Валерый Славук, Павел Татарнікаў, Валянцін Губараў, Юрый Якавенка, Юрый Хілько, Ірына Лобан, Тамара Мельянец, Генадзь Мацур, Сяргей Волкаў, Уладзімір Пашчасцеў, Уладзімір Савіч, Вячаслаў Паўлавец, Раман Сустаў, Вольга і Юрый Крупянковы і многімі іншымі, і тымі, хто робіць першыя крокі як мастак-ілюстратар. Іх аповеды сталі газетнымі артыкуламі. Ды жыццё газетнай старонкі карацейшае за жыццё кнігі. Няхай гэтыя інтэрв’ю, сабраныя пад адну вокладку, будуць словам удзячнасці ўсім, хто працягвае шчыраваць у беларускай кніжнай графіцы, а таксама данінай памяці тым маім суразмоўцам, каго ўжо няма з намі”.

У прэзентацыі прымуць удзел гераіні кнігі Аксана Аракчэева і Ірына Мацкевіч, выдавец Маргарыта Клябанава, бард Юлія Шабанава, журналіст Галіна Суша.

Гасцей сустрэчы чакае не толькі мноства дзіўных гісторый, звязаных з кнігай, але і выстаўка выданняў, аформленых суразмоўцамі Вольгі Паўлючэнка.

Чытайце таксама, як прайшла прэзентацыя зборніка Вольгі Паўлючэнка “Малюнак пад кніжнай вокладкай”

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

У песні я знайшоў сябе

08.07.2020

З 8 ліпеня па 3 лістапада ў зале нотных і аўдыявізуальных дакументаў (пам. 305) праходзіць юбілейная выстава “У песні я знайшоў сябе”, прысвечаная 80-годдзю кампазітара Давіда Фёдаравіча Тухманава.

Пясняр хараства і волі

06.07.2020

З 6 ліпеня па 1 верасня ў зале беларускай літаратуры (пам. 205) праходзіць выстаўка “Пясняр хараства і волі”, прысвечаная 120-годдзю з дня нараджэння беларускага паэта, празаіка, перакладчыка Уладзіміра Мікалаевіча Дубоўкі (1900 ці 1901–1976).

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.



111