ГалоўнаяМерапрыемствыЛетапісец лёсаў
“Гадзіна музыкі” адкрывае новы сезон
Гармонія жыцця

Летапісец лёсаў

Летапісец лёсаў
Іншыя мерапрыемствы
13 снежня – 15 студзеня
Дата правядзення
10.00–21.00
Час правядзення
пам. 306
Месца правядзення

З 13 снежня па 15 студзеня ў зале дакументаў па мастацтве (пам. 306) праходзіць кніжна-ілюстрацыйная выстаўка “Летапісец лёсаў”, прысвечаная 150-годдзю з дня нараджэння выбітнага фатографа, майстра мастацкага і псіхалагічнага фотапартрэта Майсея Напельбаума (1869–1958).

Асоба Майсея Саламонавіча Напельбаума адыгрывае выключную ролю ў гісторыі сусветнай і беларускай фатаграфіі. Ён стварыў сапраўдны партрэтны летапіс эпохі, дзякуючы якому захаваў гістарычную памяць пра прадстаўнікоў савецкага часу: таленавітых паэтаў і пісьменнікаў, артыстаў і мастакоў, навукоўцаў і палітыкаў. За многія гады творчасці майстар зрабіў дзясяткі тысяч партрэтаў. На жаль, далёка не ўся яго спадчына захавалася, але тыя работы, якія дайшлі да нашага часу – гэта сведкі мінуўшчыны, сапраўдны залаты фонд фотамастацтва.

Сёння М. Напельбаума ведаюць як агульнасавецкага фатографа, але нарадзіўся будучы майстар у Мінску і менавіта тут, на беларускай зямлі, чараўніцтва фатаграфіі захапіла яго, менавіта тут ён зрабіў першыя крокі ў свет фотамастацтва, а пасля, назапасіўшы досведу, адкрыў у Мінску сваё фотаатэлье.

У партрэтах М. Напельбаума, на першы погляд, няма нічога незвычайнага, яны надзвычай простыя: твар чалавека, яго погляд, міміка, паварот галавы… Але пільна ўзіраючыся ў іх, нібы пранікаеш у глыбіню асобы чалавека, спасцігаеш грані яго характару, рысы натуры, адбітак жыцця і лёсу. І гэта невыпадкова, бо Напельбаум заўсёды шукаў у чалавеку Чалавека, імкнуўся прадставіць яго ўнутраную сутнасць, захаваць тое, што характарызуе асобу, раскрывае якасці высокай духоўнасці, таму і здымаў менавіта выбітных людзей эпохі, культурную і палітычную эліту. Выклікае цікавасць і тэхніка выканання: майстар выкарыстоўваў адну крыніцу святла, так званае “рэмбрандтаўскае” асвятленне, якое адразу дазваляла звярнуць увагу на самае галоўнае ў чалавеку.

На выстаўцы прадстаўлена галерэя рэпрадукцый фатаграфічных партрэтаў аўтарства М. Напельбаума. Сярод іх наведвальнікі пазнаюць дзеячаў мастацтва: А. Талстога, С. Ясеніна, А. Блока, Г. Ахматаву, Б. Пастэрнака, А. Барбюса, М. Горкага, А. Серафімовіча, К. Станіслаўскага і У. Неміровіча-Данчанку, У. Мейерхольда, С. Эйзенштэйна, Д. Шастаковіча, Г. Уланаву, Р. Ралана і многіх іншых. Таксама прадстаўлены асобныя фотапартрэты палітычных дзеячаў савецкай эпохі, якія вядомы нам з падручнікаў гісторыі і ўжо сталі хрэстаматыйнымі.

Дапаўняюць экспазіцыю артыкулы пра майстра, кніга “Фотографы земли Белорусской. 1850–1918” гісторыка і фалерыста А. Вялічкі. Асаблівую ўвагу прыцягнуць бясцэнныя мемуары Іды Напельбаум, старэйшай дачкі фатографа, а таксама кніга “От ремесла к искусству” самога Майсея Саламонавіча, якая стала вынікам яго творчасці.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Мерапрыемствы

Размова з адвакатам аб праве на абарону ў адміністратыўным судаводстве

07.05.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Апублікавана праграма IX Навукова-практычнай канферэнцыі “Электронная культура”

04.05.2021

IX Навукова-практычная канферэнцыя “Электронная культура” прысвечана тэме “Рэальнасць і віртуальнасць ва ўмовах пандэміі”. Арганізатарамі мерапрыемства выступаюць Міністэрства культуры Рэспублікі Беларусь і Нацыянальная бібліятэка Беларусі.

Без тэрміну даўнасці

03.05.2021

З 3 па 28 мая запрашаем на выставу “Без тэрміну даўнасці” ў чытальнай зале аддзела міжбібліятэчнага абанемента і дастаўкі дакументаў (пам. 164).

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

09.04.2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.

Вялікая Айчынная вайна ў творах мастацкай літаратуры

30.04.2021

5 мая а 16-й гадзіне ў атрыуме 2-га паверха адбудзецца літаратурна-асветніцкае мерапрыемства “Радкі памяці” і адкрыццё кніжнай выстаўкі “Вялікая Айчынная вайна ў творах мастацкай літаратуры”, якія прымеркаваны да знакавага свята – Дня Перамогі.



Бібліятэкарам
111