Дата правядзення
Час правядзення
Месца правядзення
21 снежня дзіцячы пакой запрашае дзяцей займальна і прадуктыўна падрыхтавацца да самага чароўнага навагодняга свята, змайстраваўшы ёлачныя ўпрыгажэнні на майстар-класе “Ёлкіны цацкі – шышкі, мішкі і хлапушкі”.
Дзеці зробяць аб’ёмную ялінку ў тэхніцы арыгамі і аздобяць яе рознакаляровымі шарыкамі і арыгінальнымі цацкамі з фаамірану, каляровага кардона, сурвэтак і атласных стужак. Вясёлым дадаткам да працэсу творчасці будуць разнастайныя і рухавыя музычныя паўзы.
Унікальныя і непаўторныя навагоднія ўпрыгажэнні стануць часцінкай чарадзейства ў святочнай казцы, створанай сваімі рукамі.
Час правядзення мерапрыемства: 14.30–16.00.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
Матэрыял прадастаўлены аддзелам запісу і інфармавання карыстальнікаў.