ГалоўнаяМерапрыемствыСлужэнне мастацтву
“Маладнякоўскімі крокамі” ў музеі кнігі
Плывец па рацэ гісторыі

Служэнне мастацтву

Служэнне мастацтву
Іншыя мерапрыемствы
15 студзеня – 26 лютага
Дата правядзення
10.00–21.00
Час правядзення
пам. 305
Месца правядзення

З 15 студзеня па 26 лютага ў зале нотных і аўдыявізуальных дакументаў (пам. 305) праходзіць выстаўка “Служэнне мастацтву”, прысвечаная 200-годдзю з дня нараджэння Аляксандра Мікалаевіча Сярова (1820–1871).

Усё жыццё яго было служэннем мастацтву,
і яму ён прынёс у ахвяру ўсё астатняе...

У. Стасаў

А.М. Сяроў – вядомы музычны крытык, кампазітар і асветнік. Характэрныя рысы яго творчасці знайшлі адлюстраванне ў самых розных з’явах музыкі апошняй трэці XIX – першай трэці XX стагоддзя. У музычным арсенале Сярова аркестравыя, інструментальныя, харавыя, вакальныя творы, музыка да драматычных спектакляў, кантаты і оперы.

Велізарную каштоўнасць уяўляе музычна-крытычная спадчына кампазітара. Аналізуючы выкананыя на канцэртнай эстрадзе і опернай сцэне музычныя творы, ён адначасова даваў тонкія і праніклівыя ацэнкі выканальніцкаму мастацтву артыстаў. У сваіх крытычных артыкулах Сяроў асвятляў творчасць Моцарта, Глюка, Вебера, Меербера, Берліёза, Расіні, Спанціні і шэрагу іншых кампазітараў. Асаблівае месца займае ў яго літаратурнай спадчыне кніга “Воспоминания о Михаиле Ивановиче Глинке”.

Многія работы Аляксандра Мікалаевіча Сярова прысвечаны праблемам опернай творчасці. Па-свойму распрацоўваючы традыцыі вялікіх папярэднікаў, выкарыстоўваючы асобныя дасягненні выдатных сучасных оперных кампазітараў Захаду, ён упарта імкнуўся да стварэння новых тыпаў оперы, якія адказвалі б мастацкім ідэалам таго часу.

Экспанатамі выстаўкі сталі зборнікі народных хораў і харавых сцэн з трох опер “Юдзіф”, “Рагнеда” і “Варожая сіла”, выбраныя арыі і рамансы, а таксама шматлікія аналітычныя артыкулы кампазітара.

Дапаўняюць экспазіцыю матэрыялы пра жыццё і творчасць А.М. Сярова.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Размова з адвакатам аб захаванні інтарэсаў непаўналетніх пры разводзе і падзеле маёмасці

12.02.2020

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Узгадавала зямля беларуская

07.02.2020

З 7 лютага па 29 сакавіка ў зале дакументаў па мастацтве (пам. 306) праходзіць кніжна-ілюстрацыйная выстаўка “Узгадавала зямля беларуская”, прысвечаная 210-годдзю з дня нараджэння вядомага мастака Івана Фаміча Хруцкага (1810–1885).

Вялікі талент, вялікая работа, вялікае сэрца

21.01.2020

З 21 студзеня па 17 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2019 год.

Легенды ў камянях і дрэве

10.01.2020

Выстаўка “Легенды ў камянях і дрэве” прымеркавана да трэцяга Года малой радзімы. Папярэдняя экспазіцыя – “Тутэйшыя” – была прысвечана сусветна знакамітым беларусам і месцам, дзе яны нарадзіліся. Сёлета Нацыянальная бібліятэка Беларусі звяртае ўвагу чытачоў і наведвальнікаў на архітэктурную і гістарычную спадчыну нашай краіны.

Пясняр гуманізму

10.01.2020

З 10 студзеня па 2 сакавіка на кальцавым калідоры 2-га паверха працуе выстаўка “Пясняр гуманізму”, прысвечаная 550-годдзю з дня нараджэння асветніка і паэта Міколы Гусоўскага (~1470 – пасля 1533).

“Са слова пачынаецца Радзіма”

05.02.2020

З 5 па 28 лютага запрашаем у чытальную залу аддзела міжбібліятэчнага абанемента і дастаўкі дакументаў (пам. 164) на выставу “Са слова пачынаецца Радзіма”.



111