ГалоўнаяМерапрыемствыМайстар харавой мініяцюры
“Са слова пачынаецца Радзіма”
На Мінскай МКВК Нацыянальная бібліятэка раскрые таямніцы загадкавага выдання

Майстар харавой мініяцюры

Майстар харавой мініяцюры
Іншыя мерапрыемствы
5 лютага – 31 сакавіка
Дата правядзення
10.00–21.00
Час правядзення
пам. 305
Месца правядзення

З 5 лютага па 31 сакавіка ў зале нотных і аўдыявізуальных дакументаў (пам. 305) праходзіць выстаўка “Майстар харавой мініяцюры”, прысвечаная 150-годдзю з дня нараджэння рускага кампазітара, педагога, дырыжора і музычнага дзеяча В.С. Каліннікава (1870–1927).

Віктар Сяргеевіч Каліннікаў стаіць у шэрагу першакласных майстроў рускай харавой культуры. Будучы вялікім знаўцам хору, кампазітар пісаў сачыненні для змешанага складу і хору а capella (15 духоўных харавых твораў, напісаных у перыяд з 1901 па 1911 г., выконваліся найлепшымі хорамі Пецярбурга і Масквы). Сачыненні для змешанага хору разнастайныя па жанрах і тэматыцы. Гэта харавыя рамансы “Элегия” на словы А. Пушкіна, “Нам звезды кроткие сияли” на словы А. Пляшчэева; лірычныя пейзажы “Жаворонок” на словы В. Жукоўскага, “Зима” на словы Я. Баратынскага і іншыя.

Віктар Каліннікаў адным з першых рускіх кампазітараў пачаў складаць песні для дзяцей. “Тень-Тень”, “Солнышко”, “Журавель”, “Жавороночек”  і іншыя яго песенькі па праву можна лічыць дзіцячай харавой класікай.

Дзяцей запрашае дзіцячы пакой Нацыянальнай бібліятэкі

Вялікую цікавасць уяўляюць харавыя апрацоўкі народных песень для чатырохгалоснага і двухгалоснага хораў (“Заиграй, моя волынка”, “Ты взойди, солнце красное”). Сярод духоўных твораў В. Каліннікава найчасцей выконваюцца цудоўныя “Херувимская песнь”, “Милость мира”, “Святый Боже”.

Музыцы кампазітара ўласцівы непасрэднасць, шчырасць, глыбокая сардэчнасць, яго харавое майстэрства з'яўляецца каштоўнай часткай спадчыны рускай харавой музыкі.

У экспазіцыі прадстаўлены нотныя выданні твораў В.С. Каліннікава, фонадакументы, а таксама матэрыялы пра творчасць кампазітара.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Чытайце таксама:

Віртуальны праект Станіслаў Манюшка – музычны рамантык з Міншчыны: да 200-годдзя з дня нараджэння

Віртуальны праект Майстры беларускай культуры. Яўген Глебаў (збор лічбавых копій рукапісаў кампазітара)

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Прывілеі і вольнасці гарадоў Вялікага Княства Літоўскага

12.10.2020

З 12 кастрычніка 2020 г. па 4 студзеня 2021 г. у зале прававой інфармацыі (пам. 207b) адкрыта тэматычная выстава “Прывілеі і вольнасці гарадоў Вялікага Княства Літоўскага”, прысвечаная 390-годдзю Магдэбургскага права на Беларусі.



111