Дата правядзення
Час правядзення
Месца правядзення
З 5 па 28 лютага запрашаем у чытальную залу аддзела міжбібліятэчнага абанемента і дастаўкі дакументаў (пам. 164) на выставу “Са слова пачынаецца Радзіма”.
21 лютага адзначаецца Міжнародны дзень роднай мовы, абвешчаны ЮНЕСКА 17 лістапада 1999 года. Галоўная яго мэта – захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай.
Віртуальны праект “ЮНЕСКА і Беларусь: вехі супрацоўніцтва”
У нашым рознакаляровым і рознагалосым свеце налічваецца больш за шэсць тысяч моў. І кожная з іх прывабная сваёй непаўторнасцю. Каб развівалася родная мова, трэба яе вывучаць, актыўна ўжываць, пашыраць сферу яе выкарыстання, бо родная мова – найвялікшы скарб. Зберагчы мову – значыць зберагчы спадчыну народа.
На выставе “Са слова пачынаецца Радзіма” вы знойдзеце літаратуру, у якой адлюстравана гісторыя нашай меладычнай мовы, шлях яе развіцця, кнігі на роднай мове ад класікаў беларускай літаратуры да сучасных аўтараў, а таксама падручнікі, якія дапамогуць палепшыць веданне роднай мовы.
Час работы выставы:
пн. – чт. 10.00–19.00,
пт. 10.00–18.00,
сб., нядз. – выхадны.
Уваход – па чытацкім білеце або білеце сацыякультурнага цэнтра.
Прадстаўленыя ў экспазіцыі кнігі можна замовіць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.