ГалоўнаяМерапрыемствыЛегенды ў камянях і дрэве
Выбарчае заканадаўства і выбары ў сучасным свеце
Пясняр гуманізму

Легенды ў камянях і дрэве

Легенды ў камянях і дрэве
Іншыя мерапрыемствы
10 студзеня – 10 снежня
Дата правядзення
10.00–20.00
Час правядзення
кальцавы калідор (3-ці паверх)
Месца правядзення

Выстаўка “Легенды ў камянях і дрэве” прымеркавана да трэцяга Года малой радзімы. Папярэдняя экспазіцыя – “Тутэйшыя” – была прысвечана сусветна знакамітым беларусам і месцам, дзе яны нарадзіліся. Сёлета Нацыянальная бібліятэка Беларусі звяртае ўвагу чытачоў і наведвальнікаў на архітэктурную і гістарычную спадчыну нашай краіны.

Галоўная мэта, якую ставілі перад сабой аўтары выстаўкі, – нагадаць, што беларуская спадчына складаецца не толькі з тых аб’ектаў, якія ўключаны ў спіс ЮНЕСКА. Вельмі часта самі беларусы забываюцца на тое, што наша краіна мае незлічоную колькасць “месцаў сілы” – замкі, палацы, сядзібы, паркі, цэрквы, касцёлы, манастыры, мястэчкі, вёскі, дарогі, курганы, могілкі, крыніцы і валуны. І ў кожнага з іх ёсць свае легенды і паданні, якія дазваляюць ажывіць даўнія падзеі і пераасэнсаваць іх, служаць крыніцай натхнення і гістарычным падмуркам для многіх пакаленняў беларусаў.

На выстаўцы прадстаўлена больш за 200 энцыклапедычных, навуковых, навукова-папулярных і краязнаўчых выданняў, прысвечаных архітэктурнай і гістарычнай спадчыне Беларусі. І хаця экспазіцыя не прэтэндуе на поўны паказ тэматычных дакументаў з фондаў бібліятэкі, многія з прадстаўленых выданняў з’яўляюцца бібліяграфічнымі рарытэтамі і гістарычнымі крыніцамі. Гэта і фотаальбомы ХХ стагоддзя, у якіх зафіксаваны ўжо страчаныя помнікі, і манаграфіі археолагаў, якія дазваляюць зазірнуць у глыбіню стагоддзяў, і нават пуцяводнікі па могілках, якія не проста захоўваюць памяць пра продкаў, але і з’яўляюцца неад’емнай часткай культурнага ландшафту любога населенага пункта Беларусі. Таксама прадстаўлены манаграфіі і калектыўныя працы беларускіх навукоўцаў, прысвечаныя захаванню спадчыны.

Выстаўка дэманструецца на кальцавым калідоры 3-га паверха з 10 студзеня па 10 снежня 2020 года.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 29 80.

Матэрыял прадастаўлены аддзелам галерэйна-выставачнай дзейнасці.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Будучыня за моладдзю!

07.08.2020

З 7 жніўня па 14 верасня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Будучыня за моладдзю!”, прысвечаная Міжнароднаму дню моладзі.

Самы час ствараць гербарый!

05.08.2020

Запрашаем да цікавага творчага даследавання. Застаўся адзін месяц лета, і вакол нас вялікая колькасць разнастайных раслін. Прапануем збіраць кветкі і травы, ствараць уласны гербарый і параўноўваць з выявамі ў старадруках. Ці так выглядалі расліны 500 гадоў таму? Размяшчайце цяперашнія кветкі побач з гравюрай з мінулага і параўноўвайце!

Пра сучасную Беларусь распавядае новая выстава бібліятэкі

05.08.2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106, 1-ы паверх).

Многа-многа зрабіць

04.08.2020

У зале беларускай літаратуры (пам. 205) з 4 жніўня па 1 кастрычніка праходзіць выстаўка “Многа-многа зрабіць”, прымеркаваная да 70-годдзя Анатоля Леанідавіча Вераб'я – беларускага крытыка і літаратуразнаўца, кандыдата філалагічных навук, педагога, рэдактара, члена Саюза пісьменнікаў Беларусі, лаўрэата Літаратурнай прэміі імя У. Калесніка.

Брытанская канстытуцыя як прававы феномен

03.08.2020

З 3 жніўня па 11 кастрычніка ў зале прававой інфармацыі (пам. 207b) адкрыта тэматычная выстаўка “Брытанская канстытуцыя як прававы феномен”, прысвечаная 805-годдзю падпісання Вялікай хартыі вольнасцей.

Наперадзе часу

24.07.2020

100-годдзю з дня нараджэння пісьменнікаў-фантастаў Айзека Азімава і Рэя Брэдберы прысвечана выстаўка “Наперадзе часу”, якая размешчана ў кальцавым калідоры 3-га паверха бібліятэкі.



111