ГалоўнаяМерапрыемствы"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"
Святочнае мерапрыемства “Самы дужы”
Крылы творчага натхнення

"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"

"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"
Іншыя мерапрыемствы
18 лютага – 18 красавіка
Дата правядзення
10.00–21.00
Час правядзення
кальцавы калідор (3-гі паверх)
Месца правядзення

З 18 лютага па 18 красавіка ў бібліятэцы (3-ці паверх, кальцавы калідор) праходзіць выстаўка выданняў, адзначаных узнагародамі LIХ Нацыянальнага конкурсу “Мастацтва кнігі”.

Штогод, пачынаючы з 1960-га, вынікі працы беларускіх выдаўцоў традыцыйна падводзіць рэспубліканскі конкурс "Мастацтва кнігі". Яго заснавальнікам выступае Міністэрства інфармацыі Рэспублікі Беларусь. Мэта конкурсу – развіццё мастацтва беларускай кнігі, павышэнне яе канкурэнтаздольнасці, мастацкай і паліграфічнай культуры. Гэта своеасаблівая творчая справаздача выдаўцоў, мастакоў, паліграфістаў, якія стварылі лепшыя ўзоры друкаванай прадукцыі за мінулы год.

У сёлетнім конкурсе ўдзельнічала 35 выдавецтваў са 180 выданнямі. Менш за палову з іх ўвайшло ў шорт-ліст, з якога кампетэнтнае журы выбірала пераможцаў у 16 намінацыях: галоўнай, тэматычных, спецыяльных і персанальных.

Вышэйшая ўзнагарода конкурсу ўручана ў намінацыі “Трыумф” выдаўцу Дзянісу Раманюку за кнігу “Беларусь. Храм і Краявід”. Ён удастоены ганаровага знака-сімвала “Залаты фаліянт” і ганаровага дыплома імя Францыска Скарыны. Пераможцы ўсіх астатніх намінацый былі ўзнагароджаны ганаровым знакам-сімвалам “Залаты фаліянт” і спецыяльным дыпломам.

Дыплом пераможцы ў намінацыі “За ўклад у захаванне духоўнай спадчыны” ўручаны Нацыянальнай бібліятэцы Беларусі за факсімільнае выданне “Берасцейская Біблія. 1563”.

Лепшым ілюстратарам прызнаны Уладзімір Даўгяла за ілюстрацыі да кнігі “Чарадзейны пярсцёнак”, лепшым дызайнерам – Уладзімір Лукашык за кнігі Васіля Гігевіча “Востраў”, Алеся Бадака “Развітанне з вечнасцю” і серыю кніг “Напісанае застаецца”. Лепшым фотамастаком журы назвала Андрэя Шчукіна за аўтарскую фотаздымку да кнігі “Смак беларускай кухні”.

Нацыянальная бібліятэка Беларусі шчыра віншуе пераможцаў і прызёраў нацыянальнай прэміі “Мастацтва кнігі” і запрашае ўсіх жадаючых азнаёміцца з лепшымі выданнямі Беларусі 2019 года.

Тэлефон для даведак: (8 017) 293 29 80.

Матэрыял прадастаўлены аддзелам галерэйна-выставачнай дзейнасці.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Турызм для міру і развіцця

16.09.2020

З 16 верасня па 14 кастрычніка ў аддзеле абслугоўвання афіцыйнымі дакументамі Нацыянальнай бібліятэкі Беларусі (2-гі паверх, пакой 207) адкрыта тэматычная кніжная выстаўка “Турызм для міру і развіцця”, прысвечаная Сусветнаму дню турызму.

Размова з адвакатам аб ільготах і дапамозе маладым і шматдзетным сем’ям

17.09.2020

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі…

14.09.2020

Штогод 15 верасня ўсе бібліятэкары Беларусі святкуюць сваё прафесійнае свята – Дзень бібліятэк. Да гэтага дня прымеркавана кніжная выстаўка “Храмы часу, памяці, думкі…”, што размешчана на 2-гім паверсе кальцавога калідора Нацыянальнай бібліятэкі Беларусі.

Мінская мазаіка

09.09.2020

Нацыянальная бібліятэка Беларусі віншуе жыхароў і гасцей Мінска з Днём горада і запрашае наведаць святочную кніжную экспазіцыю “Мінская мазаіка”.

Свята кніг

07.09.2020

12 верасня дзіцячы пакой запрашае дзяцей 5–10 гадоў на святочнае мерапрыемства, прысвечанае Дню бібліятэк “Свята кніг”.

У свеце таямніц і загадак

01.09.2020

З 1 па 25 верасня ўсіх аматараў вострасюжэтных твораў запрашаем у чытальную залу аддзела міжбібліятэчнага абанемента і дастаўкі дакументаў (пам. 164) на выставу “У свеце таямніц і загадак”.



111