Дата правядзення
Час правядзення
Месца правядзення
16 кастрычніка дзіцячы пакой запрашае дзяцей 6–8 гадоў на заняткі “Мультчытайка” паводле казкі Пятра Яршова “Конёк-Горбунок”.
Казачная паэма, якая ўвасобілася ў мультфільме, праз учынкі дзіўна знаходлівых персанажаў вучыць чуласці, дабрыні і адданасці ў сяброўстве.
Дзякуючы займальным прыгодам Іванкі і яго вернага памочніка Канька-Гарбунка ў казцы з’яўляюцца вельмі незвычайныя героі. Цуда-юда рыба-кіт, Жар-птушка, Цар-дзяўчына, Месяц Месяцовіч і нават дзёрзкі ёрш напаўняюць яе асаблівым чараўніцтвам.
Скарыстаўшыся казачным слоўнікам, размешчаным у кнізе, дзеці даведаюцца сэнс некаторых невядомых слоў, якія сустракаюцца ў казцы, і самі складуць прыказкі.
Яркім дадаткам да мудрай і вясёлай казкі стане гульня “Так ці не” і фізкультхвілінка “Конікі”.
Час правядзення мерапрыемства: 15.00–16.30.
Наведванне заняткаў “Мультчытайка” бясплатнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
