ГалоўнаяМерапрыемствыСучасным дзецям на музычнай планеце
Здароўе нацыі – аснова росквіту дзяржавы
Свет дзяцінства

Сучасным дзецям на музычнай планеце

Сучасным дзецям на музычнай планеце
Іншыя мерапрыемствы
2 красавіка – 6 ліпеня
Дата правядзення
10.00–20.00
Час правядзення
пам. 305
Месца правядзення

З 2 красавіка па 6 ліпеня ў зале нотных і аўдыявізуальных дакументаў (пам. 305) праходзіць выстаўка “Сучасным дзецям на музычнай планеце”.

Музыка вакол нас заўжды: раніцай, удзень, увечары, у свята ці ў час адпачынку. Яна гучыць або проста існуе ў нашых думках, у нашым сэрцы. А музыка для дзяцей выконвае яшчэ і адну з самых важных роляў – увядзенне дзіцяці ў свет мастацтва, выхаванне музычнага густу, развіццё фантазіі і творчых задаткаў, падтрыманне пазітыўнага эмацыянальнага настрою і, што не менш значна, добрага здароўя. Дапамагчы яшчэ зусім маленькаму чалавечку увайсці ў свет музыкі – місія складаная, але важная! Таму кампазітары і аўтары заўжды падыходзяць да стварэння музыкі для дзяцей і ўкладання зборнікаў максімальна адказна.

У экспазіцыі прадстаўленыя новыя і цікавыя выданні дзіцячых музычных твораў беларускіх аўтараў. Гэта і зборнікі песень “День рождения снежинки” А. Кароткінай, “Песенки-чудесенки” А. Караленкі, “Маленькие да удаленькие” Л. Кузьмічовай, “Спяваем разам” А. Атрашкевіч і В. Жуковіча, “Песня – это птица”, “Где калина цвела” А. Елісеенкава… Для дашкольнага ўзросту – самага ўдзячнага перыяду для развіцця музыкальнасці – нотныя зборнікі песень “Вясёлы карагод” А. Чыркуна, “Хрустальный колокольчик” А. Асеевай, “Катится по небу солнышко”, “Первые песенки для детей”, “Сколько музыки вокруг” Я. Жабко і іншыя.

Выстаўка таксама знаёміць з нотнымі зборнікамі фартэпіяннай музыкі для дзяцей, твораў для баяна і акардэона, духавых і народных інструментаў, харавой музыкі.

Дапаўняюць экспазіцыю шматлікія аўдыядакументы: музыка для дзяцей і музыка, выкананая дзецьмі і дзіцячымі калектывамі. Не пакінуць абыякавымі “Сабака Чапа: дзіцячыя песні Генадзя Шэмета”, “Дзіцячы альбом”, “Выше неба” Э. Лашук, “Азбука для маленькіх”, “Вербочки” дзіцячага ансамбля “Тимпан” і многія іншыя.

Парадуе наведвальнікаў выстаўкі і музычнае афармленне літаратурных твораў для дзяцей. Асобна прадстаўленыя аўдыякнігі “Пакатун і Паляжун” Б. Шэр, “Пэтсан і Фіндус” С. Нурдквіста, серыя “Беларускія народныя казкі” і іншыя.

Агулам экспазіцыя налічвае больш за 80 дакументаў.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Прывілеі і вольнасці гарадоў Вялікага Княства Літоўскага

12.10.2020

З 12 кастрычніка 2020 г. па 4 студзеня 2021 г. у зале прававой інфармацыі (пам. 207b) адкрыта тэматычная выстава “Прывілеі і вольнасці гарадоў Вялікага Княства Літоўскага”, прысвечаная 390-годдзю Магдэбургскага права на Беларусі.



111