ГалоўнаяМерапрыемствыВобразы зменлівага свету: мастацтва японскай гравюры
Вакол свету па кніжных старонках
Яго жыццё – тэатр

Вобразы зменлівага свету: мастацтва японскай гравюры

Вобразы зменлівага свету: мастацтва японскай гравюры
Іншыя мерапрыемствы
12 чэрвеня – 25 жніўня
Дата правядзення
10.00–20.00
Час правядзення
пам. 306
Месца правядзення

З 12 чэрвеня па 25 жніўня ў зале дакументаў па мастацтве (пам. 306) праходзіць кніжна-ілюстрацыйная выстаўка “Вобразы зменлівага свету: мастацтва японскай гравюры” з калекцыі выяўленчых дакументаў Нацыянальнай бібліятэкі Беларусі.

Японію прынята называць “краінай гравюры”: ксілаграфія – традыцыйны і любімы від мастацтва ў гэтай краіне. Найбольш значнымі з’яўляюцца гравюры, выкананыя ў стылі укіё-э, які з’явіўся ў канцы ХVI ст. і панаваў напрацягу ўсяго гістарычнага перыяду Эда (1603–1868), у час праўлення дынастыі Такугава.

Тэрмін “укіё” (зменлівы свет) першапачаткова сімвалізаваў тленнасць зямнога жыцця, яго хуткаплыннасць. Аднак значэнне слова шматкроць змянялася і пазней пачало азначаць свет зямных радасцей. Так пісьменнік ХVII ст. раскрыў нюансы слова “укіё”: “жыць адным імгненнем, звяртаць увагу на прыгажосць месяца, снегу, вішні ў квецені і лістоты клёну; спяваць песні, атрымліваць асалоду ад віна, адрынуць усе турботы, трымацца, як пусты гарбуз у плыні ракі: вось, што мы называем укіё…

Вобразны свет японскай гравюры шматаблічны і разнастайны. Сярод асноўных жанраў вылучаюцца бідзін-га – выявы прыгажунь з чайных дамоў, якуся-э – вобразы акцёраў японскага традыцыйнага тэатру Кабукі, кацё-га – кветкі і птушкі, фукэй-га – пейзажы, муся-э – выявы знакамітых самураяў, сумо-э – вобразы барцоў сумо і інш.

На выстаўцы прадстаўлена ўся жанравая разнастайнасць японскіх гравюр укіё-э. Сярод іх рэпрадукцыі “Гульня ў мяч”, “Жанчына перад люстрам” К. Утамара, работы з серыі “Патрэты акцёры трох тэатраў Эда” Т. Сяраку, “Навальніца” У. Кунісада, работы з серыі “36 відаў гары Фудзі”, “Віды адметных мастоў розных правінцый” і знакамітая “Вялікая хваля ў Канагаве” К. Хакусая, творы з серыі “53 станцыі дарогі Такайда”,”Сто знакамітых відаў Эда” А. Хірасігэ і многае іншае. Прыцягнуць увагу і рэпрадукцыі японскай гравюры ХХ ст.

Зацікавяць яркія альбомы і ілюстраваныя энцыклапедыі, прысвечаныя мастацтву японскай гравюры, яе жанрам і майстрам. Сярод іх кнігі, падрыхтаваныя аўтарытэтнымі мастацтвазнаўцамі: “Японская гравюра” Г. Фар-Бекер, “Япония-Европа: диалог в искусстве, середина XVI – нач. XX в.” Н. Нікалаевай, “Японская театральная гравюра XVII–XIX веков” А. Сярдзюк, энцыклапедыя “Мировое искусство. Мастера японской гравюры”, укладзеная І. Мосіным, фундаментальнае выданне “Искусство Восточной Азии”, адзін з раздзелаў якога прысвечаны мастацтву Японіі. Прыцягнуць увагу каталогі выставак, у прыватнасці, “Эдо. Столица и эпоха: японская гравюра укиё-э XVIII–XIX веков из собрания Государственного Эрмитажа”, якая экспанавалася ў Беларусі.

Японская гравюра аказала значны ўплыў на творчасць еўрапейскіх мастакоў-імпрэсіяністаў, постімпрэсіяністаў, прадстаўнікоў мадэрна. Дзякуючы гэтаму ўзнік япанізм – накірунак ў мастацтве ХІХ ст., заснаванае на сродках выразнасці, успрынятых ад каляровай ксілаграфіі укіё-э. Наведвальнікаў натхняць “Японскі масток” і “Каміла ў японскім кімано” К. Манэ, “Голле міндаля ў квецені” і “Мост па дажджом” В. Ван Гога, работы з серыі “Гара Сэнт-Віктуар” П. Сезана, рэпрадукцыя твораў амерыканскага мастака Д. Уістлера. Таксама экспануюцца работы рускіх мастакоў і графікаў, прадстаўнікоў пецярбургскага аб’яднання “Мир искусства”.

Дапаўняюць выстаўку кнігі пра культуру і традыцыі, філасофіі і гісторыі, садова-паркавым мастацтве і архітэктуры Японіі.

Спіс літаратуры

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Мерапрыемствы

Зачараванне бляскам: другі майстар-клас па вырабу і дэкарыраванню аксесуараў

18.06.2021

24 чэрвеня ў рамках унікальнай выставы “Бляск убораў і таямніцы флірту” пройдзе майстар-клас Наталлі Керус па вырабе і дэкарыраванні брошак і завушніц. Працягваючы цыкл публікацый аб экспазіцыі, расказваем пра яшчэ адзін цікавы экспанат.

Запрашаем на канцэрт!

10.06.2021

Нацыянальная бібліятэка сумесна з арт-прасторай “Свет класічнай музыкі” запрашае на вечар музыкі ад супольнасці музыкаў-аматараў.

Малады беларускі экслібрыс

01.06.2021

Падчас святкавання Міжнароднага дня абароны дзяцей у музеі кнігі адкрылася выстава “Малады беларускі экслібрыс”, дзе прадстаўлены  працы ўдзельнікаў конкурсу экслібрысаў.

Чамаданны настрой

07.06.2021

З 7 чэрвеня па 27 жніўня запрашаем на выставу “Чамаданны настрой” у чытальнай зале аддзела міжбібліятэчнага абанемента і дастаўкі дакументаў (пам. 164).

Гісторыі пішуць экслібрысы

18.05.2021

Да Міжнароднага дня музеяў у бібліятэцы адкрылася выстава “Гісторыі пішуць экслібрысы”, якая з’яўляецца вынікам творчага эксперыменту, падчас якога юныя мастакі атрымалі магчымасць стаць сапраўднымі музейнымі куратарамі і дызайнерамі.



Бібліятэкарам
111