ГалоўнаяМерапрыемствыЯго жыццё – тэатр
Вобразы зменлівага свету: мастацтва японскай гравюры
Серыя вебінараў “Электронныя інфармацыйныя рэсурсы выдавецтваў для абслугоўвання карыстальнікаў публічных бібліятэк”

Яго жыццё – тэатр

Яго жыццё – тэатр
Іншыя мерапрыемствы
1 чэрвеня – 3 жніўня
Дата правядзення
10.00–20.00
Час правядзення
зала беларускай літаратуры (пам. 205)
Месца правядзення

З 1 чэрвеня па 3 жніўня ў зале беларускай літаратуры (пам. 205) праходзіць юбілейная выстаўка “Яго жыццё – тэатр”, прысвечаная 70-годдзю беларускага пісьменніка, заслужанага дзеяча мастацтваў Беларусі Аляксея Ануфрыевіча Дударава.

Драматург, сцэнарыст, тэатральны дзеяч, акцёр… Аляксей Дудараў – асоба надзвычай яркая і адметная ў мастацкім свеце.

У творчасці А. Дударава яскрава адлюстраваны характэрныя для 80–90-х гадоў тэндэнцыі да паглыбленага псіхалагічнага аналізу чалавечай асобы, пазнання матываў яе дзейнасці, яе ідэалаў, маральных норм існавання. У сваіх творах аўтар піша пра сучаснасць, чалавека на вайне, гістарычныя асобы і падзеі. Творы А. Дударава адрозніваюцца жанравай разнастайнасцю і арыгінальнай пабудовай сюжэта.

Вядомы Аляксей Дудараў як аўтар зборніка апавяданняў “Святая птушка”, п’ес “Выбар”, “Вечар”, “Радавыя”, “Парог”, “Злом”, “Чорная панна Нясвіжа”, “Палачанка”, “Узлёт”, “Князь Вітаўт”, “Усяслаў Чарадзей”, драматычнай паэмы “Судны дзень Скарыны”, кінааповесцей “Брэсцкая крэпасць”, “Белыя росы”, “Белыя росы. Вяртанне”, кніжкі казак для дзяцей “Сінявочка”.

У экспазіцыі прадстаўлены аўтарскія і тэматычныя зборнікі твораў А. Дударава, часопісныя публікацыі, пераклады твораў пісьменніка на замежныя мовы, матэрыялы літаратуразнаўчага характару, водгукі на тэатральныя пастаноўкі, інтэрв'ю з драматургам, бібліяграфічны паказальнік “Аляксей Дудараў”, энцыклапедычныя выданні з біяграфічнымі звесткамі пра пісьменніка: “Тэатральная энцыклапедыя”, “Республика Беларусь”, “Энцыклапедыя літаратуры і мастацтва Беларусі”, “Энцыклапедыя гісторыі Беларусі”, “Культура Беларусі” і інш.

Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).



Бібліятэкарам
111