ГалоўнаяМерапрыемствыНасельніцтва Зямлі: прагнозы, тэндэнцыі, праблемы
Скрозь прастору і час: запрашаем на фотавыстаўку “In zoom”
Выстаўка Уладзіміра Ісачанкі “Дзіва жыцця”

Насельніцтва Зямлі: прагнозы, тэндэнцыі, праблемы

Насельніцтва Зямлі: прагнозы, тэндэнцыі, праблемы
Іншыя мерапрыемствы
1 ліпеня – 5 жніўня
Дата правядзення
10.00–20.00
Час правядзення
аддзел абслугоўвання афіцыйнымі дакументамі
Месца правядзення

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Гэты Дзень штогод адзначаецца 11 ліпеня паводле рашэння Савета кіравання Праграмы развіцця Арганізацыі Аб’яднаных Нацый (Рашэнне ПРААН 89/46, п.21). Упершыню ён праводзіўся ў ліпені 1987 года і быў прысвечаны з’яўленню пяцімільярднага жыхара планеты.

Мэта яго правядзення – прыцягнуць увагу грамадскасці да пытанняў народанасельніцтва, праграм агульнага развіцця насельніцтва, а таксама дэмаграфічных праблем у свеце.

Агульная колькасць жыхароў нашай планеты імкліва расце з кожным годам. Насельніцтва свету з 1960 па 1999 год павялічылася больш чым удвая і ў кастрычніку 1999 года перайшло адзнаку ў 6 млрд. У 2011 годзе колькасць насельніцтва дасягнула адзнакі ў 7 млрд чалавек. Сёння насельніцтва свету, колькасць якога на 1 студзеня 2020 склала 7,7 млрд чалавек, працягвае расці і да 2050 года павялічыцца прыкладна да 11 млрд чалавек.

Імклівы рост і мабільнасць насельніцтва, старэнне і ўрбанізацыя – гэтыя беспрэцэдэнтныя дэмаграфічныя змены ў свеце абяцаюць вялізныя магчымасці, але адначасова – і сур’ёзныя праблемы. Актыўны рост насельніцтва адбіваецца на стане экалогіі, прыродных рэсурсах, сацыяльна-эканамічным развіцці. Шматлікія крызісы – харчовы, паліўны, экалагічны, фінансавы – ствараюць значныя праблемы і схіляюць сусветную супольнасць да ўсведамлення неабходнасці надаваць значна больш увагі дэмаграфічным праблемам і асноўным элементам устойлівага развіцця.

Сусветны дзень народанасельніцтва заклікае жыхароў Зямлі не дапусціць спусташэння планеты, засяродзіцца на пошуку аптымальных шляхоў вырашэння існуючай дэмаграфічнай сітуацыі і забяспечыць годны ўзровень жыцця і здароўя кожнага жыхара планеты.

У 1969 годзе ў сістэме ААН было створана спецыялізаванае міжнароднае агенцтва – Фонд Арганізацыі Аб’яднаных Нацый у галіне народанасельніцтва (ЮНФПА). Фонд кіруе аператыўнай дзейнасцю сістэмы ААН у галіне народанасельніцтва, дапамагаючы краінам, якія развіваюцца, і краінам з пераходнай эканомікай у пошуку вырашэння іх дэмаграфічных праблем.

Супрацоўніцтва Беларусі з ЮНФПА пачалося ў 1994 годзе. У сваёй працы фонд грунтуецца на нацыянальных прыярытэтах і цесна супрацоўнічае з урадам Рэспублікі Беларусь, агенцтвамі сістэмы ААН, грамадскімі арганізацыямі, міжнароднымі і нацыянальнымі экспертамі. Супрацоўніцтва нашай дзяржавы і ЮНФПА адрозніваецца стабільнай станоўчай дынамікай. У цяперашні час рэалізуецца другая краінавая праграма ЮНФПА для Беларусі на 2016–2020 гады з бюджэтам 3,7 млн долараў ЗША. Яе прыярытэтныя кампаненты – народанасельніцтва і развіццё, гендарная роўнасць, рэпрадуктыўнае здароўе. Беларусь і ЮНФПА пашыраюць напрамкі супрацоўніцтва і лічаць перспектыўнай працу па тэматыцы старэння насельніцтва, а таксама падтрымкі людзей з інваліднасцю.

Прапанаваная ўвазе чытачоў і наведвальнікаў бібліятэкі экспазіцыя знаёміць з дэмаграфічнымі тэндэнцыямі, ацэнкамі і прагнозамі ў галіне народанасельніцтва, а таксама з сусветнай дэмаграфічнай статыстыкай і палітыкай па пытаннях народанасельніцтва.

Выстава ўключае наступныя тэматычныя раздзелы:

  • Колькасць насельніцтва і дэмаграфічныя тэндэнцыі: сусветныя статыстычныя даныя
  • Насельніцтва свету: гісторыя, праблемы, даследаванні. Дзейнасць ЮНФПА
  • Народанасельніцтва, навакольнае асяроддзе, адукацыя і ўстойлівае развіццё
  • Дэмаграфічная сітуацыя і чалавечы капітал Рэспублікі Беларусь

Экспазіцыя налічвае каля 100 дакументаў: кнігі, брашуры, перыядычныя выданні, мімеаграфіраваныя матэрыялы. Большую частку выставы складаюць дакументы міжнародных арганізацый на рускай і англійскай мовах.

Выстаўка будзе цікавая выкладчыкам, аспірантам і студэнтам вышэйшых навучальных устаноў гуманітарнага і эканамічнага профіляў, навуковым работнікам, спецыялістам у галіне дэмаграфіі, сацыёлагам, работнікам органаў дзяржаўнага кіравання, а таксама ўсім, хто цікавіцца сацыяльна-дэмаграфічнымі і сацыяльна-эканамічнымі праблемамі.

Карысныя спасылкі

Дакументы

Асноўныя агляды і даклады ААН у эканамічнай і сацыяльнай галінах:

Час работы выставы адпавядае рэжыму работы бібліятэкі.

Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 34.

Матэрыял пададзены аддзелам абслугоўвання афіцыйнымі дакументамі.


Мерапрыемствы

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).



Бібліятэкарам
111