Дата правядзення
Час правядзення
Месца правядзення
З 27 жніўня ў бібліятэцы пачынае працу мастацкая выстаўка “Мая літара”, прымеркаваная да Дня ведаў.
Выстаўка аб’ядноўвае работы мастакоў арт-студый “Зебра” і “Зебрык” рознага ўзросту і рознай даўнасці. Побач з працамі сёлетніх навучэнцаў – творы тых, хто скончыў арт-студыю 5–7 гадоў таму, атрымаў мастацкую адукацыю і набыў творчыя прафесіі.
У экспазіцыі – вольны набор выяў літар кірылічнага і лацінскага алфавітаў. Выстаўка спалучае ўласна мастацкія работы і фотаздымкі, на якіх, акрамя самога твора-малюнка, можна ўбачыць яшчэ і яго аўтара. Творы дэманструюць вольныя асацыяцыі аўтараў з той ці іншай літарай. Кожны аўтар – са сваімі спадзяваннямі, густамі і марамі. Кожны – са сваёй літарай. Аб’ядноўвае работы агульная ідэя: праз літару паказаць уласныя імкненні, зацікаўленасць, свет і светапогляд.
Наведаць выстаўку можна да 1 лістапада 2020 г. у галерэі “Мабільная” (3-ці паверх).
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце ці квітку сацыякультурнага цэнтра.
Тэлефоны для даведак: (8 017) 293 28 33, 293 27 56.
Е-mail: pr@nlb.by
Матэрыял пададзены аддзелам сувязей з грамадскасцю.