ГалоўнаяМерапрыемствыТонкая лірыка пейзажу
У свеце таямніц і загадак
Убачыць свет праз літару: запрашаем на новую экспазіцыю

Тонкая лірыка пейзажу

Тонкая лірыка пейзажу
Іншыя мерапрыемствы
28 жніўня – 29 верасня
Дата правядзення
10.00–21.00
Час правядзення
пам. 306
Месца правядзення

З 28 жніўня па 29 верасня ў зале дакументаў па мастацтве (пам. 306) праходзіць кніжна-ілюстрацыйная выстава “Тонкая лірыка пейзажу”, прысвечаная 160-годдзю з дня нараджэння выдатнага рускага мастака Ісаака Ільіча Левітана (1860–1900).

“Усё яго жыццё, уся яго творчасць прайшлі над любімай ім краінай, над яе прыродай дабратворным дажджом, пасля яго над рускім пейзажам заззяла цудоўная вясёлка, у вароты якой павінны праходзіць усе мастакі, тыя, хто любіць сваю краіну, свой народ, сваю прыроду”, – казаў пра Левітана мастак Георгій Ніскі.

Жыццё і лёс таленавітага пейзажыста былі няпростымі: ранні адыход абодвух бацькоў, бязмежная галеча, голад і барацьба за кавалак хлеба ў зусім юныя гады, насмешкі і прадузятае стаўленне да яго за яўрэйскае паходжанне, працяглая хвароба, якая абярнулася смерцю ў няпоўныя сорак гадоў... Аднак, нягледзячы на ўсе цяжкасці, мастак здолеў адлюстраваць у сваёй творчасці дзіўную гармонію і прыгажосць навакольнага свету, захаваць усё хараство і душэўнасць прыроды сярэдняй паласы Расіі, яе ціхую, сціплую чароўнасць. “Прыроду ўпрыгожваць не трэба, але трэба адчуць яе сутнасць і вызваліць ад выпадковасцей”, – лічыў майстар.

На выставе можна ўбачыць цэлы шэраг рэпрадукцый вядомых работ мастака, якія прадстаўляюць усе фарбы пор года: “Восеньскі дзень. Сакольнікі”, “Залатая восень”, “Летні вечар”, “Вясна. Вялікая вада”, “Сакавік”, “Зімой у лесе”. Супакаеннем, спакоем і ціхім сумам ахінаюць “Апошнія промні сонца”, “Змярканне. Стагі”, “Ціхі манастыр”, “Вячэрні звон”, “Каля віру”. Водгук у душы знойдзе эпічны твор “Над вечным спакоем”, напоўнены філасофскімі роздумамі пра жыццёвы шлях чалавека, тленнасць быцця, пра вечнасць. Не пакіне абыякавым поўнае драматызму палатно “Уладзімірка”, на якім Левітан захаваў сумна вядомую старую Уладзімірскую дарогу, па якой ссыльных гналі на катаргу ў Сібір.

Ёсць у мастака і жыццесцвярджальныя творы, якія адлюстроўваюць прыроду ў росквіце сіл. На выставе можна ўбачыць рэпрадукцыі карцін “Свежы вецер. Волга”, “Бярозавы гай”, “Масток. Савінская слабада” і іншыя. Уразяць сонечныя крымскія і італьянскія пейзажы, суровая паўночная прырода Фінляндыі. Экспазіцыя пазнаёміць з работамі, створанымі ў нехарактэрным для мастака жанры партрэта, напрыклад, “Партрэт Соф’і Пятроўны Куўшыннікавай”, парадуюць наведвальнікаў і цудоўныя нацюрморты жывапісца – “Букет васількоў”, “Белы бэз”, “Дзьмухаўцы”.

Дапаўняюць экспазіцыю каталогі выстаў Ісаака Левітана, артыкулы пра жывапісца, успаміны пра яго сучаснікаў А. Чэхава, М. Несцерава, С. Куўшыннікавай, кнігі пра мастака С. Прарокавай, У. Пятрова, фундаментальныя даследаванні мастацтвазнаўцы А. Фёдарава-Давыдава. Будзе пазнавальнай і мастацкая літаратура, прысвечаная вялікаму пейзажысту: аповесць “Ісаак Левітан” К. Паўстоўскага, паэма “Левітан” І. Калашнікава.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Бібліятэка – дом, дзе жывуць кнігі

23.10.2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).



111