ГалоўнаяМерапрыемствыНовы праект бібліятэкі “Па-за вернісажам”
Запрашаем дзяцей на творчыя заняткі
Цыкл экскурсій “Славутыя імёны Бацькаўшчыны”

Новы праект бібліятэкі “Па-за вернісажам”

Новы праект бібліятэкі “Па-за вернісажам”
Іншыя мерапрыемствы
1 кастрычніка – 31 снежня
Дата правядзення
10.00–21.00
Час правядзення
галерэйна-выставачны комплекс
Месца правядзення

Адбылася першая сустрэча ў межах культурна-пазнавальнага праекта бібліятэкі “Па-за вернісажам”.

5 кастрычніка замежныя студэнты БДУ наведалі выстаўку жывапісу мастака Уладзіміра Ісачанкі “Дзіва жыцця”. Творчасць вядомага беларускага майстра вельмі зацікавіла ўдзельнікаў мерапрыемства і пакінула карысныя і прыемныя ўражанні. Гэта быў своеасаблівы фінісаж выстаўкі.

Мэта праекта “Па-за вернісажам” – праз серыю культурна-пазнавальных сустрэч стварыць для наведвальнікаў магчымасць больш паглыбленага знаёмства з экспазіцыямі галерэйна-выставачнага комплексу Нацыянальнай бібліятэкі Беларусі.

Дамовіцца аб знаёмстве з выстаўкамі і замовіць час і дату можна па e-mail gal.nlb@gmail.com. Сустрэчы праводзяцца з невялікімі (ад 6 да 10 чалавек) групамі ўдзельнікаў.

Уваход – па чытацкім білеце або білеце сацыякультурнага цэнтра.

Ласкава запрашаем у нашу гасцінную творчую прастору па-за вернісажамі!

Матэрыял пададзены аддзелам галерэйна-выставачнай дзейнасці.

Мерапрыемствы

Мір, годнасць і роўнасць на здаровай планеце

14.10.2021

З 14 кастрычніка па 30 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстава “Мір, годнасць і роўнасць на здаровай планеце”, прысвечаная Дню Арганізацыі Аб’яднаных Нацый.

Размова з адвакатам аб парадку іпатэчнага крэдытавання пры набыцці (будаўніцтве) жылля

14.10.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Шчаслівы дар

13.10.2021

З 13 кастрычніка па 22 лістапада ў зале беларускай літаратуры (пам. 205) праходзіць юбілейная выстаўка “Шчаслівы дар”, прымеркаваная да 100-годдзя з дня нараджэння беларускага паэта, заслужанага работніка культуры Беларусі Івана Андрэевіча Муравейкі (1921–2021).

Семінар аб рэалізацыі палажэнняў Маракешскага дагавора

12.10.2021

22 кастрычніка ў межах VIII Міжнароднага кангрэса “Бібліятэка як феномен культуры” адбудзецца семінар “Рэалізацыя Рэспублікай Беларусь палажэнняў Маракешскага дагавора аб палягчэнні доступу сляпых і асоб з парушэннямі зроку ці іншымі абмежаванымі здольнасцямі ўспрымаць друкаваную інфармацыю да апублікаваных твораў”.

Пяшчотная, мілая, добрая

11.10.2021

З 11 кастрычніка ў кальцавым калідоры 2-га паверха арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Выстаўка “Trans Atlantic Art Message”

08.10.2021

7 кастрычніка ў бібліятэцы адбылося ўрачыстае адкрыццё выстаўкі “Trans Atlantic Art Message”. Экспазіцыя прысвечана лідару Баліварыянскай рэвалюцыі камандантэ Уга Рафаэлю Чавесу Фрыясу і яго ўнёску ў развіццё брацкіх адносін Венесуэлы і Беларусі праз прызму творчасці вядомага беларускага мастака, удзельніка шматлікіх выставачных праектаў Беларусі і замежжа Алеся Родзіна.

Імя табе – Мама

07.10.2021

З 7 кастрычніка па 29 кастрычніка запрашаем на выставу “Імя табе – Мама” ў чытальнай зале аддзела міжбібліятэчнага абанемента і дастаўкі дакументаў (пам. 164).

Настаўнік, перад імем тваім…

04.10.2021

З 4 кастрычніка па 9 лістапада ў зале дакументаў міжнародных арганізацый (пам. 207g) адкрыта тэматычная выстава “Настаўнік, перад імем тваім...”, прысвечаная Сусветнаму дню настаўніка.



Бібліятэкарам